RORELTUHAI 6:20 - Pathien Lekhabu Inthieng (BSI)

²⁰ Chun, Pathien vântirko chun a kuomah, “Sa le chawl ṭhanglo bei kha la la, hi lung chunga hin sie la, a tui kha bun suok rawh,” a ti a. Chuong ang chun a hang thaw a.

RORELTUHAI 6:20 ပူးပေါင်းရင်းမြစ်များ

INṬANNA 18:3

“Pu, i mi lunginsiet thei chun lunginsiettakin in siehlaw hi mi fe khêl lul naw ro khai,

RORELTUHAI 13:15

Chun, Manoain Lalpa vântirko kuoma chun, “Ka ngên che a nih, kan thlo hri che a nih, kêlte hang buotsaipêk phawt kan ti che,” a ti a.

RORELTUHAI 13:16

Lalpa vântirko chun Manoa kuomah, “Mi thlo la khawm i bu chu fa naw ning, chun, pumrawhmang thilinhlân dinga buotsai i ni ruok chun, Lalpa kuomah în hlân ding a nih,” a ti a. Manoa chun ama chu Lalpa vântirko a nih ti a hriet si naw a.

RORELTUHAI 13:19

Chun, Manoa chun kêlte chu fâk ding thilinhlân leh a lâk a, lungpui chungah Lalpa kuomah ân hlân a; chun, vântirko chun thil maktak a thaw ta a, Manoa le a nuhmei chun an thlîr zing a.

RORELTUHAI 6:19

Gideon chu a lût ta a, kêlte le beiphit epha khat chawl ṭhanglo a buotsai ta a; a sa chu leikhâwrah a sie a, a tui chu bêlah a sie a, thingsaisuo hnuoiah a kuoma chun a hung chawi a, a hung inhlân a.

RORELTUHAI 6:21

Chuongchun, Lalpa vântirko chun a hmawl chawi hmawr chun sa le chawl ṭhanglo bei chu a hei tâwk a; chun, lunga inthawk chu mei a hung suok a, sa le chawl ṭhanglo bei chu a kâng hmang vawng a; chun, Lalpa vântirko chu a mithmua inthawk chu a fe hmang ta a.