RORELTUHAI 6:15 - Pathien Lekhabu Inthieng (BSI)

¹⁵ Ama chun a kuomah, “Aw Lalpa, iengtin am Israelhai hi hang sansuok el hlak ka ti lie? Ngai ta, Manasse thlahai laia hnam châu tak ka ni a, kei hlak hi ka pa sûngkuo laia a chîn tak ka ni bawk si a,” a ti a.

RORELTUHAI 6:15 ပူးပေါင်းရင်းမြစ်များ

INṬANNA 32:10

i siehlaw chunga lunginsietna po po în langtir le thutak po po în langtir laia a chîntak khawm hi hmu tlâk ka ni nawh; hi Jordan hi ka hmawl le bak ka kân a; tuhin chu pâwl hni zet ka lo ni ta hi.

FESUOKNA 3:11

Mosie ruok chun Pathien kuomah, “Tu am ka ni a, Pharao kuoma ka fe a, Israel mihai Aiguptaa inthawk ka hung ṭhuoi suok el ding chu?” a ti a.

FESUOKNA 4:10

Mosie chun Lalpa kuomah, “Tuhin le a hma khawmin, i siehlaw kuomah thu i hung hril chena khawm, mi danginnâl ka ni naw a, ṭawng muongtak le danginâwk ka ni si a,” a ti a.

JEREMIA 1:6

Chun, kei chun, “E, Lalpa PATHIEN, ngai ta, thu ka hril thei le; naupang el ka ni si a,” ka ti a.

JEREMIA 50:45

Chuleiin, Babulon chungthua Lalpain thurâwn a nei chu lo ngai ta u, Kaldaihai ram chunga thiltum a nei tâk le chun. Matheilovin anni chu ran ruol têhai hnûkhmangin um ngei ngei an ta, an chêngna chu anni irâusanin siempêk a tih.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

LUKA 1:34

Chun, Mari chun vântirko kuomah chun, “Chuong chu iengtin am ni thei a ti leh, pasal ka nei si naw a?” a ta.

1 KORINTH 15:9

Kei chu tirko laia chîntak, Pathien kohranhai ka suknawmna leia tirkoa inbûk tlâklo ka ni si a.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

RORELTUHAI 6:11

Chun, Lalpa vântirko a hung a, Ophra khuoa Abiezrit mi Joas thingsaisuo hnuoiah a ṭhung a, a naupa Gideon chun Midianhai hmu theilo dingin grêp sâwrna khura chun bu a lo vuok a.

1 SAMUEL 18:23

Chun, Saula siehlawhai chun chuong thuhai chu David na hrieta chun an hril a. David chun, “Mi pasie le tukhawm ingaisâng naw keia ta ding hin lal mâkpa hang ni chu thil namênah in ngai am a nih?” a ta.

1 SAMUEL 9:21

Saula chun a dawn a, “Israel hnam laia chîntak, Benjamin hnam ka ni naw am a nih? Chun, kan sûngkuo khawm Benjamin hnam sûngkuo lai po poa chîntak a ni naw am a nih? iengtiziea ka kuoma hienga hril am i nih a?” a ta.