RORELTUHAI 6:13 - Pathien Lekhabu Inthieng (BSI)

¹³ Gideon chun a kuomah, “Aw pu, Lalpa kan kuomah a um si chun, iengtiziea hienga kan chunga thil tlung el am a ni a? Kan thlatuhai khan, ‘Lalpa chun Aiguptaa inthawk khan a mi ṭhuoi suok ni lo am a nih?’ tia a thilthaw maktak takhai an mi hrilhai dâm kha khâwlai am a um zo ta leh? Tuhin chu Lalpa chun a mi nghatsan dêr ta a, Midianhai kutah a mi pêk tah a ni hi,” a ti a.

RORELTUHAI 6:13 ပူးပေါင်းရင်းမြစ်များ

INṬANNA 25:22

A nau vawnhai chu phîng sûnga chun an insuol a; ama chun, “Hieng ang hi a ni si chun iengdinga ka dam zing am a na?” tiin Lalpa indawn dingin a fe ta a.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

INPÂKNA HLABU 27:9

Ka kuoma inthawk hin i hmai thup naw la, I siehlaw hi i lunginsenin sukbohmang naw la, Nang chu a mi ṭhangpuitu i ni hlak a, Aw a mi sandamtu Pathien, mi pei thla naw la, mi mâksan lul naw rawh.

INPÂKNA HLABU 44:1

Aw Pathien, tienlaia an dam laia i thilthawhai kha. Kan thlatuhaiin an mi hril, kan nain kan hriet,

INPÂKNA HLABU 44:2

Nangin i kutin hnam tin chu i hnawt suok a, anni chu i phun ta thung a, Mi tin chu i sukrimsi a, anni chu în zârlientir thung a.

INPÂKNA HLABU 44:9

Tu ruok hin chu nangin i mi ngaitha a, i mi sukzak a, Kan sipai ruol lai hlak i suok ve ngai naw a,

INPÂKNA HLABU 89:49

Lalpa, tienlaia i lunginsietna, i ringumnaa David kuoma inkhâma i tiem kha, Khâwlai am a um ta a?

ISAI 41:17

Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

ISAI 63:11

Chuong lai chun a mihai chun, Mosie tienlai nihai chu an hriet zing a, hieng ang hin an tih, “Tuipuia inthawka a berâm ruol vêngtuhai leh anni hang ṭhuoitu kha khâwlai am? A thlarau inthieng anni laia sietu kha khâw lai am?

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnemngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

JEREMIA 23:33

Hi mihai laia pakhatin amanih, zâwlneiin amanih, thiempuin amanih, “Lalpa rikphur chu ieng am a na?” ti an indawn che chun, an kuoma chun, “Nangni hi phurrik chu in nih, ka peihâwn ding cheu a nih, Lalpa chun a tih,” tiin hril rawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

DÂN PAHNINA 29:24

Hnam tinin, ‘Ieng leia hi ram hi hieng anga Lalpain a thaw am a na? Hi lunginsen inling nasatak hi iengtizie am a na?’ la tîng an tih.

DÂN PAHNINA 31:17

Chu pha chun an chungah ka lung chawk a ta, nghatsan ka ta, inbîksan ka tih, bohmang an ta, thil ṭha naw le lunginzîngna tamtak an chungah tlung a tih; chuongchun, chu ni chun, ‘Ei Pathien eini lai a um naw leiin hieng thil ṭha naw ei chungah a hung tlung a ni naw am a nih?’ tîng an tih,

RORELTUHAI 6:1

Israel thlahai chun Lalpa mithmuah thil suol an thaw a; chuleiin, Lalpain Midianhai kutah kum sari ân umtir a.

RORELTUHAI 6:12

Lalpa vântirko a kuomah a hung inlâr a, a kuomah, “Nang mi hrât huoisen, i kuomah Lalpa chu a um,” a ti a.