RORELTUHAI 21:25 - Pathien Lekhabu Inthieng (BSI)

²⁵ Chuong lai chun Israelhai lai lal hrim an um naw a, mi tinin mâni ṭha ti zâwng sengin an thaw el a nih.

RORELTUHAI 21:25 ပူးပေါင်းရင်းမြစ်များ

INPÂKNA HLABU 12:4

Anni chun, “Ei lei hin hnêng ei ta, Ei hmûrhai hi eini ta ngei a ni annâwm, tu am ie ei chunga lala um chu?” an ti hlak.

THUVARHAI 14:12

Mihriem kuoma indik âwmtaka inlang lampui chu a um a, Chu tâwpna ruok chu thina lampuihai a nih.

THUVARHAI 3:5

I lungril po poin Lalpa chu ring la, Nanga hrietthiemna ringawta chun innghat naw rawh.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

DÂN PAHNINA 12:8

“Mi tinin mâni ṭha ti zâwng ang ela tuta ei thaw ang hin in thaw ding a ni nawh;

RORELTUHAI 17:6

Chuong lai huna chun Israel ramah lal an um naw a, mâni sengin ṭha an ti zâwng zâwngin an thaw el a nih.

RORELTUHAI 18:1

Chuong lai chun Israel ramah lal an um naw a; chun Dan chihai chun ram hluo ding an zawng a: chuong lai chen khawm chun Israel chihai laia khan ram hluo ding an la chang si naw a.

RORELTUHAI 18:7

Chuongchun, mi panga hai chu an suok ta a, Lais khuoah an va lût a, chutaka mihai chu Zidon mihai ang bawka râlmuongtak le lungmuongtaka iengkhawm tlasam lova an um ṭawk ṭawkzie chu an va hmu a; chu rama chun anni hang sukse dinga thuneitu bîk khawm tukhawm an um chuong naw a, Zidon mihai le hlak an inhlat a, tu le khawm inhmangna hrim an nei si nawh.

RORELTUHAI 19:1

Chuong laia Israel rama lal um naw lai chun Levi chi, mi pakhat hi Ephraim tlâng ram tâwp tieng chun a um a; Juda rama Bethlehema mi thaikêmin a nei a.

RORELTUHAI 21:24

Chu phingleh chutaka inthawk chun Israel thlahai chu mâni chi chi le mâni hnam hnamin an inhlawm hran nâwk a, chutaka inthawk chun mâni ram sengah an fe nâwk ta a.