RORELTUHAI 21:14 - Pathien Lekhabu Inthieng (BSI)

¹⁴ Chu phingle chun Benjamin mihai chu an kîr ta a; chun, Jabesgilead rama nuhmeihai an ihlahai chu an pêk a, chuong sa khawm chun an lân dai ta naw a.

RORELTUHAI 21:14 ပူးပေါင်းရင်းမြစ်များ

1 KORINTH 7:2

Nisienlakhawm, inditnahai a um hlak leiin pasalin nuhmei bîk nei seng hai sienla, nuhmei khawmin pasal bîk nei seng raw hai se.

RORELTUHAI 20:47

Mi za ruk ruok chu thlalêr tieng Rimmon lungpuiah an tlânsie a, chu Rimmon lungpuia chun thla li an um a.

RORELTUHAI 21:12

Chun, Jabes-gilead rama umhai lai chun nunghâk za li, pasal la pâwl ngai hleklo an hmu a, chuonghai chu Kanaan rama an inkulna Siloa chun an hung ṭhuoi a.

RORELTUHAI 21:13

Chun, inkhâwmhai po po chun mi an tir a, Rimmon lungpuia um Benjamin mihai an va biek a, an kuomah inremna thu an puong a.

RORELTUHAI 21:15

Chun, Israel hnamhai laiah Lalpain insuktumna a lo siem tâk leiin mipuihai chun Benjamin mihai chu an lainat ta hle a.

RORELTUHAI 21:22

Chun, an pahai amanih an ṭahai amanih, sawisêl dinga kan kuoma an hung leh, an kuomah, ‘Mi lunginsiet ro khai, indonaa khan an nuhmei ding kan lo manpêk seng ta si naw a; nangni hlaka in lo pêk naw bawk si a, lo pe ni unla thiemnaw in hlaw ding a ni bawk si a,’ lo tîng kan tih,” tiin thu an pêk ta a.

RORELTUHAI 21:8

Chun, anni chun, “Israel pahnam laia mi a tu hnam tak am a na Mizpaa Lalpa hmaa hang inlang ve naw hi?” an ti a. Chun, pungkhâwmhai umnaa chun Jabes-gilead mi chu pakhat khawm an hung ve nawh ti an hmu ta a.