RORELTUHAI 20:42 - Pathien Lekhabu Inthieng (BSI)

⁴² Chuleiin, Israelhai hmaa chun thlalêr tieng ân tlânse ta a; nisienlakhawm, an hnawtzui ta ngat ngat a, khawpuia inthawka hung suokhai chun chutaka chun an sukhlum a.

RORELTUHAI 20:42 ပူးပေါင်းရင်းမြစ်များ

ṬAP HLA 1:3

Sukrinumna le sal nina nasatakah Juda chu salin a fe ta a, Awi naw mihai laia chun a khawsa a, châwl hrim a hmu nawh; Ama sukrimsituhai po po chun hmun inchêptakah an nangchîng a.

HOSEA 10:9

Aw Israel, Gibea nihaia inthawk ta khan i suol ta a; Chutaka chun an la ngîr zing a; Rîtlona nauhai dona chun Gibea ngeiah chun a hnawtphâk tâwl naw ding maw?

HOSEA 9:9

Gibea khuoa umlai nihai ang khan, Nasatakin anni le anni an insukkhawhlo a; An rîtlona chu hre zing a ta, An suolnahai chu thung a tih.

JOSUA 8:15

Josua le Israel mihai po po chu tlâwm ni âwmtakin an um a, thlalêr tienga lampuia chun an tlân ta a.

JOSUA 8:24

Israel mihai chun Ai khuoa mi phûla umhai po po chu thlalêr rama anni an va hnawtna hmunah an that zo a, an rênga kâwlhnâma an that rêm dêr hnung chun, Israel mihai po po chu Ai khuo tieng chun an kîr nâwk a, kâwlhnâmin an that ta a.