RORELTUHAI 20:40 - Pathien Lekhabu Inthieng (BSI)

⁴⁰ Nisienlakhawm, khawpui sûnga chun meikhu chu a hung intung ta lui phingleh, Benjamin mihai chu an hei nghaleh a, khawpui chu a puma vân tienga khu tung ta lui lui el chu an hei hmu a.

RORELTUHAI 20:40 ပူးပေါင်းရင်းမြစ်များ

INṬANNA 19:28

Sodom le Gomorra khaw tieng le, phaizâwl po po tieng chu a thlîr a, a en zing a: chun, ngai ta, chu rama meikhu chu rawtuina meikhu ang elin a khu tung lui lui el a.

HLAHAI HLA 3:6

Meikhu intung lui lui anga Thlalêra inthawka hung suok a, Dâwrkai paudâr po po le, Beraw le murraa innâl riminhnik hi tu am a na?

JOEL 2:30

Vâna le hnuoiahai thilmakhai inhmutir ka ta, thisen dâm, meikhu dâm, meikhu ngîr dâm leh.

JOSUA 8:20

Chuongchun, Ai mihai chun an hnungtieng an hei thlîr chun, khawpui khu vântienga tung ngut ngut el chu an hmu ta a, khawtieng tienga khawm tlân theina hrim hrim an nei ta naw a; chuongchun, thlalêra tlânhai khan anni hnawttuhai chu an hung lenghat ve ta thung a.

THUPUONGSUO 19:3

Chun, “Halleluia! A khu chu chatuonin a tungin fêng a tih,” an ti nâwk a.

RORELTUHAI 19:16

Chun, ngai ta, tar pakhat hi zântieng chun a lo fe a hung a, ama chu Ephraim tlâng rama mi a nih. Gibeaa chun a va um vak a nih, chutaka mihai ruok chu Benjamin mihai an nih.