RORELTUHAI 20:37 - Pathien Lekhabu Inthieng (BSI)

³⁷ Chun, arûka inchântuhai chun Gibea khuo chu an baw ta thut a, arûka inchântuhai chu an inzar dar a, khuoa mihai po po chu kâwlhnâmin an thaw ta rak el a.

RORELTUHAI 20:37 ပူးပေါင်းရင်းမြစ်များ

FESUOKNA 19:13

ama chu kut hrimin tâwk naw ni a, dêng hlum, annawleh, kâp hlum nîng a tih; sa khawm ni sien, mihriem khawm ni sien hring naw hrim hrim a tih: tawtawrâwt sâwttak ân ri pha, tlânga chun hung lâwn an tih,” a ti a.

JOSUA 6:5

Chun, berâmchal ki an mût rik ruoi ruoi a, tawtawrâwt ri in hriet pha chun, mipui po po chu inringtakin khêk dur dur raw se; chuongchun, khawpui kul chu chim rup a ta, mipui chu mâni hma zâwn sengah chun hang fêng an tih,” a ta.

JOSUA 8:13

Chuongchun, mipui khawpui hmârtieng panga sipaihai ṭhanghmun le, khawpui thlangtieng panga inchânrutuhai ṭhanghmun chu an hang ruot fel a; Josua chu chu zân chun ruom laitaka chun a riek a.

JOSUA 8:14

Chun, Ai khuo lal chun chu chu a hmu phingleh, inhmâwtakin chu tûk chun, chu khuoa mihai, ama le a rawihai po po chu an tho a, a hmun ruot Araba zâwnah Israelhai chu thaw dingin an hung suok ta a; nisienlakhawm, khuo hnungtieng chun ama thaw dingin an inchânrûk ti a hriet naw a.

JOSUA 8:19

Chun, ân chânrutuhai kha an umna hmuna inthawk chun an hung suok vat a; a kut chu a hang phar phingleh an tlân a, khawpuia chun an lût a, an lâk ta a; khuo chu an raw ta a.