RORELTUHAI 18:23 - Pathien Lekhabu Inthieng (BSI)

²³ Chun, Dan mihai chu an hei ko a. Anni chu an hung ngha kîr a, Mika kuoma chun, “Ieng am a ni ta leh mi khâng zozai kha i hung pui?” an ti a.

RORELTUHAI 18:23 ပူးပေါင်းရင်းမြစ်များ

INṬANNA 21:17

Chun, Pathienin naupang râwl chu a hriet a, chun Pathien vântirkoin vâna inthawkin Hagar chu a zuk ko a, a kuomah, “Hagar, iengin am a sukbuoi che leh? ṭi naw; a umnaa naupang râwl kha Pathienin a hriet a nih.

2 SAMUEL 14:5

Chun, lal chun a kuomah, “Ieng am a ni leh?” a ta. Chun, ama chun a dawn a, “Hmeithai ka ni a, ka pasal chu a thi ta a.

2 LALHAI 6:28

Chun, lal chun a kuomah, “Ieng am i ti a ni leh?” a ti nâwk a. Chun, ama chun a dawn a. “Hi nuhmei hin ka kuomah, ‘I naupa hi vawisûna ei fâk dingin thaw la, zîngah ka naupa hi ei fâk thung ding annâwm,’ a ta.

INPÂKNA HLABU 114:5

Aw nang tuisuoriet, ieng am i ti a, i tlân hmang a na? Nang Jordan, ieng am i ti a, i kîr nâwk a na?

ISAI 22:1

Inlârna ruom phurrik chu. Ieng am in ti a ni leh, in chunga dâm in lâwn vawng a?

RORELTUHAI 18:22

Mika ina inthawka hla rei an hang fe hnung chun, Mika tuolbâwmhai chu an inpunkhâwm a, Dan mihai chu an va hnawt phâk ta a.

RORELTUHAI 18:24

Ama chun, “Ka pathien siemhai le thiempu chu in fepui a, in fe ta dai el a, ieng am nei ka nei ta leh? Iengti tia, ‘Ieng am i ni ta leh?’ mi ti el am in ni a?” a ti a.

1 SAMUEL 11:5

Chun, loa inthawkin Saula chu sebâwng hung khalin a hung a; Saula chun, “Ieng am an ti a na mipuihai chu an ṭap a?” a ta. Chun, Jabes khuoa mihai thuhril chu an hril a.