RORELTUHAI 18:20 - Pathien Lekhabu Inthieng (BSI)

²⁰ Chun, thiempu lungril chu a lâwm hle el ta a, chuongchun, zakawsîng dâm, milim dâm, milim siem fâwm dâm chu a lâk a, mipui laia chun a ṭhang ve ta a.

RORELTUHAI 18:20 ပူးပေါင်းရင်းမြစ်များ

THUVARHAI 30:15

Lît chun naunuhmei pahni “Mi pe, mi pe” tia khêk khêkhai chu a nei a, Thil pathum khawptâwk ngai hrim hrim lo chu an um a, Anih, pali “A huntâwk” ti ngailohai chu an um a.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet ta a.

EZEKIEL 21:21

Babulon lal chu lampui inṭhena lai, lampui pahnihai inchinna taka chun, dawi hmang dingin a ngîr zing si a; hnungtieng hmatieng thalhai chu a hêm vêl a, milimhai chu a râwn a, sathin chu a en bawk a.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuipuia ngahai chenin lâk hmang nîng an tih.

LEVI DÂN 26:1

“Milim hrim hrim in insiempêk fâwm ding a ni naw a, milim siem fâwm le lungphun dâm in inngîr ding a ni nawh; chibai bûk dingin chuong anga lung cher in ram sûngah in inngîr ding a ni nawh; kei hi Lalpa in Pathien chu ka ni si a.

THILTHAWHAI 20:33

Tu tangkahai, rângkachakhai, silfênhai khawm kân hnar ngai naw kha.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.

RORELTUHAI 17:10

Mika chun a kuomah, “Ka kuoma hin um el ta la, ka pa ding le thiempu dingin um la, kum tinin tangkaruo tlang sâwm pêng ka ti che a, silfên sil khat le i fâk dinghai khawm,” a ti a.

RORELTUHAI 18:19

Anni chun, “To rawh, i kutin i bau kha hup la, kan kuomah hung ve la, kan paa le thiempuah hung um rawh; i ta dingin sûng khat chau thiempua um am a ṭha lema Israelhai laia chi khat le hnam khat ta dinga thiempua um?” an ti a.

RORELTUHAI 18:21

Chuongchun, an fe suok ta a, an nau le tehai le an ranhai, thuomhnawhai chu an sawm pei a.