RORELTUHAI 16:24 - Pathien Lekhabu Inthieng (BSI)

²⁴ Chun, mipuihai chun an hang hmu chun an pathien chu an inpâk a, “Ei pathienin ei hmêlmapa le ei ram suksetu, mi tamtak mi thattupa chu ei kutah a mi pêk tah annâwm,” an ti a.

RORELTUHAI 16:24 ပူးပေါင်းရင်းမြစ်များ

1 CHANCHIN SUINA 10:9

Ama chu a thuom an hlîp a, a lu chu an lâk a, a râlthuom leh, mipuihai le an milimhai kuoma chanchin intlun dingin Philistin rama chun an thawn vêl ta a.

INPÂKNA HLABU 97:7

Milim siemfâwmhai rawngbâwltuhai po po chu muolphoin um raw se, Milimhai suongtuhai chu: Nangni pathien po pohai, ama chibai bûk ro.

ISAI 37:20

Chuleiin, aw Lalpa kan Pathien, nang hi, nang chau hi, Lalpa i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

EZEKIEL 20:14

Chun, ka hming leiin, hnamhai anni mithmua anni ka hung ṭhuoisuoknahai, chuonghai mithmua chun hrilsiet a ni ding a ni nawh tiin ka thaw a.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

DANIEL 5:4

Uoin chu an hang dâwn a, rângkachak dâm, tangka dâm, dârsen dâm, thîr dâm, thing dâm, lung dâm pathienhai chu an inpâk ta a.

HABAKKUK 1:16

Chuongchun, a lên kuoma chun ân thâwi a, A keihrui kuoma chun riminhnik a raw a, Anni zâra a chan chu a hung thâu a, A bu chu a hung tam leiin.

DÂN PAHNINA 32:27

An hmêlmahai chu ngaisuolin, ‘Kan kut chu dawm sângin a um tah, Hieng po po hi Lalpa ithaw a ni tawp nawh,’ hmêlma lunginsen chun tîng an tih ti ṭi naw lang chu.

THUPUONGSUO 11:10

An thi leiin hnuoia umhai chu lâwm an ta, hlimna siem an ta, thilpêkhai inthawn tuo bawk an tih; zâwlnei pahni hai chun hnuoia umhai chu an sukrimsik hlak leiin.

RORELTUHAI 15:14

Lehi hmun a hung tlung chun, Philistin mihai chun an lo tuok a, an lo khêk dur dur a; chun, Lalpa thlarau chu a chungah nasatakin a hung tlung a, chuongchun, a bân khuopna hruihruol chu ziza zai kâng tan ang el hi a hung ni ta a, a khuopnahai chu a kuta inthawk chun a tla ta tawp el a.

RORELTUHAI 15:16

Chun, Samson chun, “Sabengtung khâkruin pâwng thûr pâwng thûr e, Sabengtung khâkruin mi sâng khat ka vuok hlum ie,” a ti a.

RORELTUHAI 15:8

Chuongchun, nasatakin a thaw a, a that a that a, chun a fe thla a, Etam lungpui kawi kârah a um ta a.

RORELTUHAI 16:25

Chuonga an lungril a hlim lai tak chun, “Samson kha ennuom dingin hung ko ta u,” an ti a. Chuongchun, Samson chu lung ina inthawk chun an va ko suok a, chuongchun an hmaa chun a thaw ta a, ban le ban inkâra hin an inngîrtir a,

1 SAMUEL 31:9

Chun, a lu chu an tan a, a râlthuom chu an hlîp a, chanchin chu an milim biekna ina le mihai kuoma phuong dingin Philistin rama chun an inphur vêl a.