RORELTUHAI 16:20 - Pathien Lekhabu Inthieng (BSI)

²⁰ Chun, “Samson, Philistin mihaiin an hung thaw ding che a ni ie,” a hang ti a: chun, a in chu a hang har a, “Ni dang ang bawk khan suok nâwk el ka ta, intleng suok nâwk el naw ning am,” a ti a, Lalpain a mâksan tah ti hrim a hriet naw a.

RORELTUHAI 16:20 ပူးပေါင်းရင်းမြစ်များ

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

ISAI 42:24

Tuin am Jakobhai râllâka la dinga pe a, Israelhai inruhai kuoma pe chu? Lalpa a chunga thil ei suksuolna chun a pêk a ni naw am a nih? a lampuiahai an fe nuom si naw a, an dân thu hlak an awi si nawh.

HOSEA 7:9

Mikhuolhai chun a hrâtna an fâk zopêk a, Ama chun chu a hriet nawh; Hmul inṭuokin ama chu a bâwm nuol ta a, Ama chun chu a hriet nawh.

NAMBAR 14:9

Lalpa chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; Lalpa chu ei kuomah a um annâwm; anni chu ṭi naw ro,” tiin an hril a.

MATTHAI 17:16

I închûktirhai kuomah ka hung ṭhuoi a, an sukdam thei si naw a,” a ta.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

2 KORINTH 3:5

iengkhawm keinia inthawka suoka ruot dingin keini ngawtin kan tlin kan ti naw a; kan tlin theina chu Pathien kuoma inthawk a ni lem.

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, Lalpain anni ân hlân a ni si naw chun?

JOSUA 7:12

Chu lei chu annâwm, Israelhaiin an hmêlmahai an ngam thei naw; ṭawngsephur an lo ni ta leiin annâwm an hmêlmahai an hnung innghat el chu; thil pumpêk chu in laia in sukbo phawt naw chun in kuoma hin ka um ta naw ding a nih.

RORELTUHAI 16:14

Chuongchun, a sam phier sari chu puonah a khâwngsa a, kilnain a kilde tlat a, a kuomah, “Samson, Philistin mihaiin an hung thaw ding che a ni ie,” a ti a. Chuongchun, a in chu a hung har a, puonkawl kildena chu a kawl le a pat pumin a keidawk ta vawng el a.

RORELTUHAI 16:19

Chun, a mal chungah a in innghiltir a, chun pasal a ko a, a sam phier sari chu ân âttantir ta vawng a, a sawisa ṭan ta a; chuongchun, a hrâtna chu a hung bo vawng el ta a.

RORELTUHAI 16:21

Chun, Philistin mihai chun an man a, a mit an kheldawkpêk a, Gaza khuoah an fe thlâkpui a, dâr kawlhai an inbuntir a, lung inah bu a râwt nawi hlak a.

RORELTUHAI 16:3

Nisienlakhawm, Samson chu zânril chenin a zâl a, zânril lai chun a tho a, khawpui kul kawtkhârhai le a ban pahni chu a chel a, a kilnahai chen a phawidawk vawng a, a liengkoin a put a, Hebron zâwn tlâng sîp chenin a hang put kai a.

RORELTUHAI 16:9

Chun, a kuomah, “Samson, Philistin mihaiin an hung thaw ding che a nih ie,” a ti a. Chun, thalhruihai chu meiin ziza hrui pawn a kâng tan ang el hin a suktan ta a. Chuongchun, a hrâtna san chu hriet a ni naw a.

1 SAMUEL 16:14

Lalpa thlarau chun Saula chu a suoksan a, Lalpa tir khawhriin ama chu a sukbuoi a.

1 SAMUEL 18:10

Chun, a zînga chun Pathien tir khawhri Saula chunga chun a hung tlung ta rak el a, in sûnga chun thu chu a hril ta nuk nuk el a, chun, David chun ni danga a thaw dân ang bawkin ṭingṭang a kei a: Saula chun a fei chu a chawi zing a.

1 SAMUEL 18:12

Chun, a kuoma Lalpa a um lei le, Saula chu a fesan leiin Saula chun David chu a ṭi a.