RORELTUHAI 15:14 - Pathien Lekhabu Inthieng (BSI)

¹⁴ Lehi hmun a hung tlung chun, Philistin mihai chun an lo tuok a, an lo khêk dur dur a; chun, Lalpa thlarau chu a chungah nasatakin a hung tlung a, chuongchun, a bân khuopna hruihruol chu ziza zai kâng tan ang el hi a hung ni ta a, a khuopnahai chu a kuta inthawk chun a tla ta tawp el a.

RORELTUHAI 15:14 ပူးပေါင်းရင်းမြစ်များ

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

INPÂKNA HLABU 118:11

Anni chun an mîn huol vêl a, anih, an mîn huolvêl a, Anni chu Lalpa hmingin sukbohmang ka tih.

INPÂKNA HLABU 18:34

Ka kuthai hi râl kâp dingin ân chûktir hlak a, Chuongchun, ka bânhai hin dâr thalngul a kuoi zo hiel a.

FESUOKNA 14:3

Chuongchun, Pharaoin Israel mihai chu, “Rampalailakah an inhmanga thlalêrin anni a khârkhum an tah,” tîng a tih.

FESUOKNA 14:5

Mipui chu an tlân suok tah ti Aigupta lal chu hrila a um chun, mipui chungthua Pharao le a siehlawhai lungril chu ân let ta thut a, “Hi thil ei thaw hi ieng am a ni a, Israel mihai ei rawng an bâwlnaa inthawk ei insuoktir el hi?” an ti a.

MIKA 7:8

Aw ka hmêlma, mi diriem el naw rawh, ka tlûk pha khawm tho nâwk ka tih; inthima ka ṭhung khawmin Lalpa chu ka ta dinga var nîng a tih.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

PHILIPPI 4:3

Anih, nang khawm ka rîngkawl bâtpui tak, ka fiel bawk che, kha nuhmeihai kha ṭhangpui rawh. Chanchin Ṭhaa chun an mi thawpui hlak si a; Klemen le ka sinthawpui dang Hringna bua hming chuonghai le khan.

RORELTUHAI 14:19

Chun, Lalpa thlarau chu a chungah nasatakin a hung tlung a, chun Askelonah a zu fe a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk ta a. Lungsen êm êmin a pa in tieng a kîr nâwk ta a.

RORELTUHAI 14:6

Chun, Lalpa thlarau chu a chungah nasatakin a hung tlung a, chuongchun, kêlte kei nâwi takin a kei nawi el ta a, iengkhawm a chawi si naw a; nisienlakhawm, a thil thaw chu a nu le pa chu a hril nawh.

RORELTUHAI 15:13

Anni chun a kuomah, “Sukhlum lo e a, amiruokchu, khuop tlat kan ti che a, an kutah kan pêk el ding che a nih; that chu that dêr naw ning ung che,” tiin an hril a. Chuongchun, hruihruol thar pahniin an khuop a, lungpuia inthawk chun an ṭhuoi tung ta a.

RORELTUHAI 15:9

Chun, Philistin mihai chu an hang fe a, Juda rama chun an hang inkul a, Lehi hmuna chun an inzar a.

RORELTUHAI 16:12

Chuongchun, Delila chun hruihruol thar a lâk a, a khuop ta a; chun, a kuomah, “Samson, Philistin mihaiin an hung thaw ding che a nih ie,” a ti a. Pindan sûng rila chun ân chânrutuhai kha an um a. Chun, a kut khuopna chu patzai suktan ang elin a hang suktan ta a.

RORELTUHAI 16:24

Chun, mipuihai chun an hang hmu chun an pathien chu an inpâk a, “Ei pathienin ei hmêlmapa le ei ram suksetu, mi tamtak mi thattupa chu ei kutah a mi pêk tah annâwm,” an ti a.

RORELTUHAI 16:9

Chun, a kuomah, “Samson, Philistin mihaiin an hung thaw ding che a nih ie,” a ti a. Chun, thalhruihai chu meiin ziza hrui pawn a kâng tan ang el hin a suktan ta a. Chuongchun, a hrâtna san chu hriet a ni naw a.

RORELTUHAI 3:10

Lalpa thlarau chu a chungah a hung a, chuongchun, Israelhai ro chu a rêlpêk ta a; râl do dingin a vân thawk a; chun Lalpain Mesopotamia ram lal Kushan-risathaim chu a pêk a; Kusan-risathaim chu a hne a.

RORELTUHAI 5:30

‘Râllâk thilhai chu an hmuin an insem ni lo am a nih? Mi tinin nunghâk pakhat pahni amani seng. Sisera chan ding chu râllâk puon ze tum tum, Hnêtu rînga bât ding puon a khing hnia ṭiel mawi, ze tum tumhai chu?’ tiin.

1 SAMUEL 10:10

Chuongchun, tlâng chu an hang tlung chun, ngai ta, zâwlneihai chun an intuokpui a; chun Lalpa thlarau nasatakin a hung tlung a; thu an hril duol duolnaa chun a ṭhang ve ta a.

1 SAMUEL 10:6

chun, Lalpa thlarau nasatakin i chungah hung tlung a ta, nang khawm thu an hril duol duolnaa chun ṭhang vêng i ta, chun, mi danglam daiah inchang el i tih.

1 SAMUEL 11:6

Chun, chuong thu chu a hriet phingleh Saula chunga chun Pathien thlarau nasatakin a hung tlung ta a, nasatakin a lung chu a sen ta thut a.

1 SAMUEL 17:35

ka hnawt a, ka thaw a, a baua inthawk chu ka sansuok hlak a nih; chun, mi thaw dinga a hung inthawk dâm hin a bakhmulah ka man a, ka thaw a, ka sukhlum hlak a nih.

1 SAMUEL 4:5

Chuongchun, Lalpa thuthlung bâwmin an riekhmun a hung tlung chun, Israel mi po pohai chu inringtakin an khêk ta dur dur el a, hnuoi chen khawm a tlawr ri dur dur el a.