RORELTUHAI 14:18 - Pathien Lekhabu Inthieng (BSI)

¹⁸ Chun, a ni sari ni, nisa tlâk hmain chu khuoa mihai chun a kuomah, “Khuoizu nêka thlum lem ieng am a ni a le? Sakeibaknei nêka hrât lem ieng am a ni a le?” an ti a. Ama chun an kuomah, “Ka bâwngla hin hnuoi inlet naw unla chu, Ka thukhir hi in hriet suok dêr naw ding bah,” a ti a.

RORELTUHAI 14:18 ပူးပေါင်းရင်းမြစ်များ

2 SAMUEL 1:23

Saula le Jonathan umdân chu dit a umin a mâwi a, An thi khawma an inṭhe nawh; Mupuihai nêkin an ṭuonrang lem a, Sakeibakneihai nêkin an hrât lem.

INPÂKNA HLABU 81:16

Nangni chu bu ṭhatakin châwm ka ti cheu a, Lungpuia khuoizuin ka sukkhawp ding cheu a nih.

THUVARHAI 30:30

Sakeibaknei, ramsa po po laia thilthawtheitak chu, Thil ieng ding khawmin a pêt ngai naw a,

EZEKIEL 1:10

Chun, an hmelput dâna chun, mihriem hmai ang an nei a; an pali chun changtieng panga chun sakeibaknei hmai ang an nei a; an pali chun vawitieng panga chun bâwngchal hmai ang an nei a; an pali chun mupui hmai ang hi an nei chit bawk a.

RORELTUHAI 14:17

Chun, a ruoiṭhe, ni sari sûng po chu a hmaah a ṭap a ṭap el a, chun a ni sari ni chun a ngên tlut tlut el leiin a hril ta khawng khawng a; chun, ama chun thukhir chu a chihai chu a hril ve ta a.

RORELTUHAI 14:19

Chun, Lalpa thlarau chu a chungah nasatakin a hung tlung a, chun Askelonah a zu fe a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk ta a. Lungsen êm êmin a pa in tieng a kîr nâwk ta a.