RORELTUHAI 13:16 - Pathien Lekhabu Inthieng (BSI)

¹⁶ Lalpa vântirko chun Manoa kuomah, “Mi thlo la khawm i bu chu fa naw ning, chun, pumrawhmang thilinhlân dinga buotsai i ni ruok chun, Lalpa kuomah în hlân ding a nih,” a ti a. Manoa chun ama chu Lalpa vântirko a nih ti a hriet si naw a.

RORELTUHAI 13:16 ပူးပေါင်းရင်းမြစ်များ

INṬANNA 18:5

bei tlawmte bêk va lâng ka ta, in lungril sukhar ro khai, chu hnunga chun fe pei de ti niu, in siehlaw hi in mi hung sir ta si si hin chu,” a ta. Anni chun, “I hril ang chun va thaw rawh,” an ti a.

RORELTUHAI 13:21

Amiruokchu, Lalpa vântirko chu Manoa le a nuhmei kuoma chun a hung inlâr nâwk ta naw a. Chuongchun, Manoa chun Lalpa vântirko a nih ti a hriet ta a.

RORELTUHAI 13:23

A nuhmei ruok chun a kuomah, “Lalpain mi sukhlum a tum dâm chun pumrawhmang thilinhlân le fâk ding thilinhlân ei inhlânhai kha pawm nuom da ni ie, hieng ang po pohai dâm hi min entir naw bawk a ta, hieng ang thilhai khawm hi tuta ṭum hin mi hril naw bawk a tih,” a ti a.

RORELTUHAI 6:20

Chun, Pathien vântirko chun a kuomah, “Sa le chawl ṭhanglo bei kha la la, hi lung chunga hin sie la, a tui kha bun suok rawh,” a ti a. Chuong ang chun a hang thaw a.

RORELTUHAI 6:26

chun, hi kul chunga hin kawngzâwng neitakin Lalpa i Pathien ta dingin maichâm siem la, bâwngchal pahnina chu la la, i phûr ding Asera thing chu hmangin pumrawhmang thilinhlân inhlân rawh,” a ti a.