RORELTUHAI 11:39 - Pathien Lekhabu Inthieng (BSI)

³⁹ Thla hni hnunga chun a pa kuomah a hung kîr nâwk a, ama chun ṭawng a lo inkhâm ta ang khan, a chungah a thaw a, pasal tukhawma an pâwl nawh.

RORELTUHAI 11:39 ပူးပေါင်းရင်းမြစ်များ

2 CHANCHIN SUINA 35:25

Chun, Jeremia khawm chun Josia chu a sûn a; vawisûn ni chen hin, hlasaktu pasal le hlasaktu nuhmeihai khawm chun Josia an sûnna hla chu an lân sam a; Israel rama chun thupêkhaiah an siem a, chuong chu, ngai ta, sûnnaa chun ziek an nih.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

DÂN PAHNINA 12:31

Chuong ang chun Lalpa in Pathien chungah in thaw ding a ni nawh; an pathien chunga chun Lalpa ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an râw hlak a nih.

RORELTUHAI 11:31

Ammon mihai kuoma inthawka râlmuonga ka in ka kîr nâwk pha chun iengkhawm ka kawtkhâra mi hung tuok hmasatak phawt chu, Lalpa ta ding nîng a ta, pumrawhmang thilinhlân dingin hmang ngei ngei ka tih,” tiin.

RORELTUHAI 11:38

Ama chun, “Fe ta la,” a ti a. Chuongchun, thla hni thang dingin a tir a, a suok ta a, ama le a ruolhai le chun; chun, tlângahai chun a nunghâkna chu a hang sûn a.

RORELTUHAI 11:40

Chuongchun, Israel naunuhai chun Gilead mi Jeptha naunu chu kum tin ni li sûn dânah an hung nei ta a.

1 SAMUEL 1:11

Chun, thu a tiem a, “Aw sipaihai Lalpa, i suoknu tlâwmzie hi i hriet tak meu a, i mi hriet zing a, i suoknu hi i mi theinghil naw a, i suoknu hi naupasal i pêk chun a dam sûng po chu Lalpa pe ve thung ka ta, a lu khawm vâw hrim hrim ni naw ni,” a ta.

1 SAMUEL 1:22

Hanna ruok chu a hang fe ve naw a; a pasal kuoma chun, “Kei chu naute hin nêne nêk a bân hmakhat chu hang fe ve naw ning ah; chu pha ruok chun Lalpa hmaa ân lang theina dingin ṭhuoi ka ta, chutaka chun um zing el tâng a tih,” a ta.

1 SAMUEL 1:24

Chun, nêne nêk ân bântir phing chun beiphit epha khat le uoin saidawiûm khat chawiin sebâwng pathum leh a hang ṭhuoi a, Silo khuoa Lalpa ina chun a fepui a; naupang chu a la naupang hle a.

1 SAMUEL 1:28

Chuleiin, kei khawma Lalpa kuomah kân hlân a nih; a dam sûng poa Lalpa ta dinga inhlân a nih,” a ta. Chun, chutaka chun Lalpa chu a biek a.

1 SAMUEL 2:18

Samuel chu naupang ni sien khawm, puonzai inhmi zakawsîng hâkin Lalpa hmaah rawng a bâwl a.