RORELTUHAI 11:29 - Pathien Lekhabu Inthieng (BSI)

²⁹ Chuongchun, Lalpa thlarau chu Jepthah chungah a hung tlung a, Gilead le Manasse ram a fe thleng a, Gilead rama Mizpa a fe thleng a, chun, Gilead rama Mizpaa inthawk chun Ammon mihai kuomah a fe pei a.

RORELTUHAI 11:29 ပူးပေါင်းရင်းမြစ်များ

INṬANNA 31:49

Mizpah inbûk a ni bawk a, “Inṭhea ei um hnungin Lalpa chun mi vêng tuo raw se.

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung ta a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si che a,” a ta. Chun, David chun anni chu a lâwmlût ta a, sipai pâwl hotuhaiah a siem tâwl ta a.

NAMBAR 11:25

Chuongchun, Lalpa chu sûma chun a hung ṭum a, a hung biek a, amaa thlarau chu upa sâwmsari hai chunga chun a sie a. Thlarâu chu an chunga a hung um phingleh thu an hril ta duol a; nisienlakhawm, chuong ang chun an thaw an thaw nâwk ta nawh.

RORELTUHAI 10:17

Chun, Ammon mihai chu an pungkhâwm a, Gileadah an vân kul a, Israel mihai chu an inkhâwm ve a, Mizpaah an inkul a.

RORELTUHAI 11:11

Chuongchun, Jepthah chu Gilead mi upahai kuoma chun a fe ve ta a, chun, mihai chun hotu le a lusa tak dingin an lo siem ta a; chun Jepthah chun Mizpaah Lalpa hmaah thu iengkim an hril ta a.

RORELTUHAI 11:28

Nisienlakhawm, Ammon mihai lal chun Jepthah thu incha chu a lo ngai nuom naw a.

RORELTUHAI 11:30

Chun, Jepthah chun Lalpa kuomah ṭawng ân khâm a, “Ammon mihai hi ka kuta i mi pêk takmeu chun,

RORELTUHAI 13:25

Chun, Zora le Estaol inkâra Mahane-dana chun Lalpa thlarauin ama chu a khîkhar ṭan ta a.

RORELTUHAI 3:10

Lalpa thlarau chu a chungah a hung a, chuongchun, Israelhai ro chu a rêlpêk ta a; râl do dingin a vân thawk a; chun Lalpain Mesopotamia ram lal Kushan-risathaim chu a pêk a; Kusan-risathaim chu a hne a.

RORELTUHAI 6:34

Nisienlakhawm, Lalpa thlarau chu Gideon chungah a hung tlung a, chun, tawtawrâwt a hang mût a; ama zui dingin Abiezrit mihai chu a ko khâwm ta a.

1 SAMUEL 10:10

Chuongchun, tlâng chu an hang tlung chun, ngai ta, zâwlneihai chun an intuokpui a; chun Lalpa thlarau nasatakin a hung tlung a; thu an hril duol duolnaa chun a ṭhang ve ta a.

1 SAMUEL 11:6

Chun, chuong thu chu a hriet phingleh Saula chunga chun Pathien thlarau nasatakin a hung tlung ta a, nasatakin a lung chu a sen ta thut a.

1 SAMUEL 12:11

Chun, Lalpa chun, Jerubbaal hai, Bedan hai, Jephtha hai, Samuel hai a tir a, in hmêlma khingtieng khingtienga mihai kuta inthawkin a sansuok cheu a, himtakin in um a.