RORELTUHAI 11:26 - Pathien Lekhabu Inthieng (BSI)

²⁶ Israelhai Hesbona le a khaw chînhaia dâm, Aroer le a khaw chînhaia dâm, Arnon ramri dep khawpuihai po poa chun kum za thum zet an um lai khan iengdinga la lova lo la um zing am i ni leh?

RORELTUHAI 11:26 ပူးပေါင်းရင်းမြစ်များ

JEREMIA 48:19

Aw Aroer hluotuhai, lampui sîrah ngîr unla, enthlit ro; a suokthleng ta le, a tlân hmanghai kha indawn unla, ‘Ieng am thaw a ni ta leh?’ ti ro.

THILTHAWHAI 13:19

Chun, Kanaan rama hnam sari a suktlâwm zo hnung khan an ram chu hluo dingin a pêk pei a, kum zali sâwmnga sûng po khan.

DÂN PAHNINA 2:24

Tho unla, fe suok unla, Arnon ruom kân ro; ngai ta u, Amor mi Hesbon lal Sihon le a ram chu ka pêk ta cheu a nih; hluo phawt unla, râl thawin va thaw ro.

DÂN PAHNINA 2:36

Arnon ruom sîra Aroera inthawk le ruoma khaw uma inthawka Gilead chenin ei ta dingin insâng taluo khuo hrim a um dêr naw a, Lalpa ei Pathien mi pêk vawng a nih.

DÂN PAHNINA 3:2

Chun, Lalpain ka kuomah, ‘Ama chu ṭi naw rawh, ama le a mihai po po le a ram chu i kutah ka pêk diem tah a nih; Hesbona um Amor mihai lal Sihon chunga i thaw ang khan a chungah i thaw ding a nih,’ a ti a.

DÂN PAHNINA 3:6

Hesbon lal Sihon chunga ei thaw ang khan ei sukbohmang vawng a, khuo po po chu ei sukbohmang vawng a, pasal, nuhmei le an naupanghai chenin ei sukbohmang vawng a.

JOSUA 11:18

Josua chun chuong lalhai po po chu sâwttak a do a nih.

JOSUA 12:2

Amorhai lal Sihon, Hesbona um chun Arnon ruom sîra um Aroera inthawkin ro a rêl a na; chun, ruom laitaka khawpuihai, Ammon thlahai ramri Jabbok vadung chenin Gilead ram zâtve chunga chun a rêl bawk a.

JOSUA 12:5

Ama chun Hermon tlânga dâm chun, Salkaa dâm le Basan ram po poah Gesur mihai le Maakat mihai ramri chen le, Hesbon lal Sihon ramri chin Gilead ram zâtve chenin ro a rêl a.

JOSUA 13:10

chun, mihai lal Sihon, Hesbona lala inṭhung khawpui po po Ammon mihai ramri chenin;

JOSUA 13:16

An ramri chu Arnon ruom sîra um Aroer khuoa inthawka ruom laitaka khawpui le Medeba phai ram po po;

JOSUA 13:17

Hesbon le chu phai rama khawpui po po, Dibon le Bamoth-baal dâm, Beth-baal-meon dâm,

JOSUA 23:1

Kum ieng zât lai amanih ân vawi a, Israelhai chu an kâwlvêla hmêlma po pohaia inthawk muongna Lalpan a pêk hnung chun, Josua khawm chu a hung upa ta a, a hung tar ta hle el a.

RORELTUHAI 10:8

Chu kum chun Israel thlahai chu an suklungzîngin an nêksâwr êm êm el a, Jordan râl Gilead rama Amor mihai rama Israel mi umhai po po chu kum sâwm le kum riet sûng rau an nêksâwr a.

RORELTUHAI 3:11

Chun, ram chu kum sâwmli râlmuongin a um a. Chun Kenaz naupa Othniel chu a thi ta a.

RORELTUHAI 3:30

Chuongchun, chu ni chun Moab mihai chu Israelhai hmaa chun an tlâwm ta a. Chun, ram chu kum sawmriet sûng râlmuongin a um a.

RORELTUHAI 5:31

Chuong ang chun aw Lalpa, i hmêlmahai po po chu bohmang vawng hai sien, Nangma hmangaituhai ruok chu hrâttaka fe nisa ang hi ni raw hai se,” tiin. Chun, ram chu kum sâwmli sûng râlmuongin a um a.

RORELTUHAI 8:28

Chuongchun, Midianhai chu Israel thlahai hmaa chun suktlâwmin an lo um ta a, an châng thei ta naw a. Gideon dam sûng chu ram chu kum sâwmli râlmuongin a um a.

RORELTUHAI 9:22

Chun, Abimelek chu Israelhai chunga chun kum thum ân lal a.