RORELTUHAI 11:2 - Pathien Lekhabu Inthieng (BSI)

² Gilead nuhmei chun ama chu naupasalhai a neipêk bawk a; chun, a nuhmei naupasalhai chun an hung puitlingin Jepthah chu an hnawt suok a, a kuomah, “Nang chun chu ei pa insûng ro hluo thei naw ti nih, nuhmei dang le nau i ni leiin,” an ti a.

RORELTUHAI 11:2 ပူးပေါင်းရင်းမြစ်များ

INṬANNA 12:10

Chun, chu rama chun ṭâm a hung tla a; chu rama chun ṭâm chu a nasa êm leiin Abram chu Aiguptaa um hri dingin a zu fe ta a.

INṬANNA 21:10

Chuleichun, Abraham kuoma chun, “Hi suoknu le a naupa hi hnawt suok rawh; hi suoknu naupa hi ka naupa Isak ro hluopuitu ding ni thei naw nih,” a ta.

THUVARHAI 2:16

Hmêlmak nuhmeia inthawka sansuok ding chein, A bâuthluma zaihlêmtu che, ram dang mi ngeia inthawk chun;

THUVARHAI 5:20

Chuongchun, nang ka naupa, iengdingin am hmêlmak nuhmeia chun thafân i ta, Iengdingin am hmêlmak âng chu pawm i ta?

THUVARHAI 5:3

Hmêlmak nuhmei hmûrhai chu khuoizuin a far a, A bau chu hriek nêkin ân nâl lem si a.

GALATI 4:30

Nisienlakhawm, Pathien Lekha thuin iengtin am a hril a? “Suoknu chu, a naupa leh hnawtdawk rawh, suoknu naupa chun suoknawnu naupa chu ro a hluopui âwm si naw a,” a ti a.

DÂN PAHNINA 23:2

“Sâwn chu Lalpa mihai pungkhâwmhai lai chun a ṭhang ding a ni nawh, a thlahai khawm suon sâwmna chenin Lalpa mihai pungkhâwmhai lai chun an ṭhang ding a ni nawh.

RORELTUHAI 11:1

Tuhin Gilead mi Jepthah chu mi hrât huoisen a nih, ama chu nawchizawr naupa a nih. A pa chu Gilead a nih.

RORELTUHAI 11:3

Chuongchun, Jepthah chu a unauhai laia inthawk chun a tlân hmang a, Tob ramah a um ta a; chun, Jepthah kuoma chun mi hotak takhai an um a, ama chu an zui hlak a.