ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:4 - Pathien Lekhabu Inthieng (BSI)

⁴ Israel mi an ni si a; nau nina dâm, ropuina dâm, thuthlung po po dâm, Dân pêkna dâm, Pathien rawngbâwlna dâm, thutiemhai po po an ta a nih;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:4 ပူးပေါင်းရင်းမြစ်များ

INṬANNA 15:18

Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.

INṬANNA 17:10

Hi hi kei le nang le i hnunga i thlahai kâra ka thuthlung i zâwm ding chu a nih: nangni laia pasal taphawt chu ser tan ding a nih.

INṬANNA 17:2

Chuongchun, nang le ei kârah thu thlung ka ta, nasatakin sukpung ka ti che,” a ta.

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i buon a, i hne ta si a,” a ti a.

1 LALHAI 8:11

chuongchun, sûm lei chun thiempuhai chu rawngbâwlin an um thei ta naw hiel a, Lalpa ropuinain Lalpa in chu a suksip vawng ta si a.

NEHEMIA 13:29

Aw ka Pathien, thiempu nina sin le, thiemputna sin thuthlung le, Levi mihai thuthlung an sukpawrche leiin hre zing tâwl raw khai.

INPÂKNA HLABU 147:19

A thu chu Jakobhai kuomah ân langtir a, A thuruothai le a rorêlhai khawm chu Israelhai kuomah ân langtir a.

INPÂKNA HLABU 63:2

Chuong ang bawkin hmun inthienga chun ka en zing che kha, I thilthawtheina le i ropuina hmu dingin.

INPÂKNA HLABU 73:1

Pathien chu Israelhai chungah a lo ṭha ngei a, Lungrila inthienghai chunga chun.

INPÂKNA HLABU 78:61

A hrâtna chu salah ân mantir a, A ropuina chu dotuhai kutah ân mantir ta bawk a.

INPÂKNA HLABU 89:3

Nang chun i hril ta si a; Ka mi thlang kuoma chun thu ka thlung a, Ka siehlaw David kuoma chun ṭawng kân khâm ta a,

INPÂKNA HLABU 89:34

Ka thuthlung chu bawse naw ning a, Ka hmûra thu suok chu sukdanglam bawk naw ning.

INPÂKNA HLABU 90:16

I sinthaw chu i siehlawhai kuomah inlang sienla, I ropuina chu an nauhai kuomah inlang raw se.

FESUOKNA 12:25

Chun, a thutiem anga, Lalpain ram a pêk ding cheu in tlung pha khawm, hi ser le sâng dânhai hi in sunzawm zing ding a nih.

FESUOKNA 34:27

Chun, Lalpa chun Mosie kuomah, “Hieng thuhai hi ziek rawh, hieng thuhai dungzui hin Israel le nanga kuomah thuthlung ka siem si a,” a ti a.

FESUOKNA 4:22

Chun, nangin Pharao kuoma chun, ‘Hieng hin Lalpa chun a tih; Israel hi ka naupa, ka nau lutîr a nih;

FESUOKNA 40:34

Chun, sûm chun intuokna puon in chu ân khum a, Lalpa ropuinain biekbûk chu a suksip a.

ISAI 41:8

Nisienlakhawm, nangni Israelhai ka siehlaw, Jakob hai ka mi thlang, ka ruolpa Abraham thlahai,

ISAI 46:3

Aw Jakob sûnghai le, Israel sûnghai laia hlabîkhai po po, phînga inthawka ka puok a, sula inthawka ka pawm tahai, ka thu hi lo ngai ro;

ISAI 5:2

Ka idittak chun tlâng hnuoi ṭhatna takah grêp huon a nei a, a vêlin hnuoi a cho khur a; a lunghai chu a rût fai a, grêphrui ṭhatak chi a phun a, a laia chun in insâng a bâwl a, chutaka chun grêp sâwrna khur khawm a cho a; chun, grêp raa ra dingin a beisei a, nisienlakhawm, grêp suok elin a hung ra ta lem a.

ISAI 60:19

Nisa khi sûna nangma êntu ni ta naw ni a; thla khawm khin varna dingin sukvar ta bawk naw ni che; Lalpa ruok chu i ta dingin kumkhuoa vartuah um tâng a tih, I Pathien chu i ropuina dingin um bawk a tih.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheilovin, ama chunga chun zângaina nei ngei ka tih, Lalpa chun a tih.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

EZEKIEL 1:28

Ruo sûr nia sûma sumrisâng inlang angin, a vêla varna inlang dân chu a um a. Hi hi Lalpa ropuina angpui inlang dân chu a nih. Chun, chu chu ka hmu phing chun, bawkkhupin ka tlu a, chun, mi pakhat râwl thu hung hrilin ka hriet a.

HOSEA 11:1

Israel chu a naupang lai huna inthawk khan ka hmangai a, Aigupta rama inthawkin ka naupa dinga ka ko suok a nih.

NAMBAR 7:89

Chuongchun, intuokna puon ina ama be dinga Mosie a lût chun thuthlung bâwm chunga zângaina ṭhungpha chungtienga cherub pahnihai inkâra inthawk chun ama hung bein râwl a hriet a; râwl chun a biek ta a.

MATTHAI 21:33

“Tekhithu dang ngai ro, mi tu amanih in neitu a um a, ama chun grêp huon a siem a, palin ân huon vêl a, grêp sâwrna khur a cho a, in insâng a bâwl a; chun, lo enkawltuhai kuomah thlohlaw dingin a pêk a, ram dangah a fe ta a.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 1:47

Isûn Nathanael a kuoma hung ding chu a hmu a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:2

Kawng tinrêngah a sâwt hle. Pathien thuhai an kuomah inkawltira a um lei a ni tak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:6

Nisienlakhawm, Pathien thu chu iengkhawm ni lo anga um ta a ni naw a. Israelhai chu Israel mi an ni vawng chuong nawh.

2 KORINTH 11:22

Hebrai mi an ni maw? Kei khawm ka nih. Israel mihai an ni maw? Kei khawm ka nih. Abraham suonhai an ni maw? Kei khawm ka nih.

GALATI 3:16

Chun, Abraham kuomah a nih thu chu tiema a lo um chu, a chithla kuoma khawm. Mi tamtak chungthu hril angin, “Chithlahai kuoma khawm,” a ti naw a, mi pakhat chungthu hril angin, “I chithla kuoma khawm,” a ti lem a nih, chu chu Krista chu a nih.

EPHESI 2:12

khâng lai khan Krista boin, Israel khuoletui leh intuolkhat lovin, khawvêla hin beiseina hrim nei lo le, Pathien boa umin, tiemna thuthlunghaia mikhuola in um kha.

DÂN PAHNINA 14:1

“Lalpa in Pathien nauhai in ni a, mithi leiin in inât ding a ni naw a, in mit inkâr mithmul in vâw kawl ding a ni bawk nawh,

DÂN PAHNINA 29:1

Horeb tlânga an kuoma thu a thlung bâkah Lalpain Moab rama Israel mihai kuoma Mosie thu ân thlungtir, a thuthlung thuhai chu hieng hi a nih.

DÂN PAHNINA 29:14

Hi ṭawng inkhâmna thu le thuthlung thu hi in kuoma chau thlung ka ni naw a,

DÂN PAHNINA 31:16

Chun, Lalpain Mosie kuomah, “Ngai ta, i pi le puhai kuomah i ininnghil ding a ni ta a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an tih.

DÂN PAHNINA 4:13

A thuthlung zâwm dinga thu a pêk cheu, thupêk sâwm chu in kuomah a puong a, lungphêk pahniah a ziek a.

DÂN PAHNINA 7:6

Lalpa in Pathien ta dingin hnam inthieng in ni si a, leilunga hnam po poa inthawk ama chanpuol bîk ni dinga Lalpa in Pathienin a thlang cheu a nih.

HEBRAIHAI 9:1

Chun, thuthlung hmasa khawm khan Pathien rawngbâwl dânhai le, a hmun inthieng, hi khawvêla hmun inthieng chu a nei a.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, taksa tieng dânhai chau siem ṭhat hun hmaa dinga ruot chu a nih.

HEBRAIHAI 9:3

Chun, puonzâr pahnina khêla chun biekbûk Hmun Inthieng Tak an ti chu a um a;

HEBRAIHAI 9:5

a chungtiengah zângaina ṭhungpha hliein, ropuina Cherubhai an um bawk a; chuong thuhai chu tuhin chu a kip a kawiin hril thei nâwm ei nih.

HEBRAIHAI 9:6

Chun, chuong thilhai chu chuong anga siem a lo na, Thiempuhaiin Pathien rawng bâwlin biekbûk tawntira chun an lût rawp hlak a;