ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:7 - Pathien Lekhabu Inthieng (BSI)

⁷ tisa dit zâwng chu Pathien dona a ni si a. Chu chu Pathien dânin a um nghâl si naw a, um khawm a um thei bawk nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:7 ပူးပေါင်းရင်းမြစ်များ

2 CHANCHIN SUINA 19:2

Chun, Hanani naupa zâwlnei Jehu chu ama tuok dingin a lo va fe suok a, lal Jehosaphat kuoma chun, “Mi rilo chu ṭhangpuiin, Lalpa theidatu chu i hmangai ding a ni maw? Hi thil lei hin Lalpa lungsenna chu i chungah a um a nih.

JOB LEKHABU (THE BOOK OF JOB) 15:13

I lungril chu Pathien chungah în hertir a, Chuong ang thuhai chu i baua inthawka în suoktir el chu?

INPÂKNA HLABU 53:1

Mi invêt chun a lungrilin, “Pathien hrim a um nawh,” a ti hlak a; Tukhawm thil ṭha thaw hrim an um nawh. An se zo a, thil suol tirdakumtak an thaw a;

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

JEREMIA 13:23

Ethiopia mi chun a vun chu a thlengin, keitê khawma a zie chu a thleng thei am a nih? Thil ṭha naw thaw ngaia hmanghai hin thil ṭha chu in thaw ding am a nih?

EZEKIEL 14:5

an milimhai leia keimaa inthawka an invâkhmang vawng tâk leiin, Israel sûngkuo chu an lungrilhai ka lâk theina dingin’ tiin.

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

MATTHAI 5:19

Chuongchun, tukhawm hieng thupêk laia pakhat, a chîntak khawm bawsea, chuonga thaw ve dinga mihai inchûktir taphawt chu, vân rama chun mi chîn tak tîng an tih; amiruokchu, tukhawm zâwma inchûktir taphawt chu, vân rama chun mi lien tîng an tih.

JOHAN 7:7

Khawvêlin nangni an theida thei naw cheu, kei ruok chu an mi theida hlak, an thilthawhai a suol ti ka hrilfie hlak leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:30

mi rêl hmanghai, Pathien theida zâwnghai, intiveihai, chapohai, mi uonghai, thil suol thar suksuoktuhai, nu le pa thu awi lohai,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:31

Anleh, ringna lei ngawtin Dân chu iengkhawm ni lovin ei siem el am a nih? Teu lo e! Dân chu ei sukdet lem hman a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10

Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:22

Ka lungril takin Pathien dân chungah ka lâwm si hlak a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:4

tisa dân hraw lo a, Thlarau dân hraw lemtu einia hin Dân thu ruot chu hlena a um theina dingin.

1 KORINTH 2:14

Khawvêl mi chun Pathien Thlarau thil chu a lâwm ngai nawh, ama ngaia chun invêtthlâk a ni si a; Thlaraua hriet chieng a ni leiin a hriet thei naw hrim a nih.

1 KORINTH 9:21

Dân neinawhai ka lâk lût theina dingin dân neinawhai kuomah dân neinaw angin ka um hlak, Pathien dân awilo si lovin, Krista dân zâwm siin.

KOLOSSA 1:21

Chun, nangni inhmaa in thil suksuolnaa khan amaa inthawka ṭhein in lo um a, in lungrila chun hmêlma in lo ni bawk kha.

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

2 TIMOTHE 3:4

vervêk dâm, thuhnung dâwn naw dâm, inngaihlu dâm, Pathien hmangai nêka mâni lâwmna chau hmangai lemtu dâm an ni ding a ni si a.

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

2 PETER 2:14

mit uirea sip, suol bân thei nawhai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.