ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29 - Pathien Lekhabu Inthieng (BSI)

²⁹ A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29 ပူးပေါင်းရင်းမြစ်များ

INPÂKNA HLABU 1:6

Lalpa chun mi felhai lampui chu a hriet si a, Mi rilohai lampui ruok chu bohmang a tih.

INPÂKNA HLABU 89:27

Chun, keiin ama chu nau lutîrah siem ka ta, Hnuoia lalhai lai chun a chunghnungtakah siem ka tih.

FESUOKNA 33:12

Mosie chun Lalpa kuomah, “Ngai ta, nangin ka kuomah, ‘Mipui hi hung ṭhuoi rawh,’ i ti a, kei le i tir ding chu tu am a nih i mîn hriettir si naw a. Nisienlakhawm, nangin, ‘I hmingin ka hriet che a, ka mithmuah lunginsietna i chang ta bawk a nih,’ i ti a.

FESUOKNA 33:17

Lalpa chun Mosie kuomah, “I hril ang tak chun thâwng ka tih: hmingin ka hriet che a, ka lunginsietna chu i hmu ta si a,” a ti a.

JEREMIA 1:5

“Phîng sûnga ka siem hma che khawma ka hriet che a, Sula inthawka i hung suok hma khawma ka sukthieng ta che a: Hnamhai kuoma zâwlnei dingin ka lo thlang ta che a nih,” tiin.

MATTHAI 12:50

Tukhawm ka Pa vâna mi dit zâwng thaw taphawt chu, ka unau le, ka farnu le, ka nuhai an nih in sawnnaw,” a ta.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 28:10

Chun, Isûn an kuomah “Ṭi naw ro, fe unla, Galili rama fe dingin ka unauhai va hril ro; chutaka chun mi hmûng an tih,” a ta.

MATTHAI 7:23

Chu pha chun, ‘Nangni thil suol thawhai, ka hriet ngai naw cheu, ka kuoma inthawkin fe hmang ro,’ tiin la hril ka tih.

JOHAN 17:16

Anni chu khawvêla mi an ni nawh, kei khawvêla mi ka ni naw ang bawk hin.

JOHAN 17:19

Anni leiin kân sukthieng a nih, anni khawm thutaka an inthieng theina dingin.

JOHAN 17:26

Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:2

Pathienin mi a ihriet lâwkhai chu a pei thlâk nawh. Pathien Lekha Thu chun Elija, thu a hril hi in hriet naw am a nih? Ama chun Israelhai chungthu Pathien kuomah ân tlun a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:23

Lunginsietna bêl, ropui dinga a lo buotsai lâwkhai chunga chun a lunginsietna hau zie ân entir theina ding a ni phawt chun.

1 KORINTH 15:49

Chun, hnuoia siem mi puona kha ei nei ang bawkin vâna mi puona chu ei nei bawk ding a nih.

1 KORINTH 2:7

Pathien thu var thurûk chu kan hril lem hlak a nih, thu var inthup, ei ropuina dinga Pathienin khawvêl um hmaa a ruot lâwk ta chu.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

2 KORINTH 3:18

Chuongchun, keini chu kan rêngin hmai inkhum lovin, hlimen anga Lalpa ropuina sunvarin, ropuinaa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawka kan hmu ang peiin.

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

EPHESI 4:24

mihriem thar, felna le inthiengna indiktaka Pathien angpuia siem chun inthuom ro.

PHILIPPI 3:21

Ama chun a sinthawin iengkim khawm ama thu thuin ân umtir thei, chu thawzie ang pei chun ei tlâwmlai taksa hi, ama taksa ropui anga um dingin siem ṭha nâwk a tih.

KOLOSSA 3:10

Mihriem thar chun in inthuom ta si a, chu mihriem thar chu, hriet famkimna nei dingin a siemtu angpui anga siem tharin a um mêk a nih;

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

2 TIMOTHE 2:19

Nisienlakhawm, Pathien lungphûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

1 PETER 1:2

awi ding le Isu Krista thisen the dawng dinga Thlarau isuktum, Pa Pathien ihriet lâwk anga thlanghai kuoma chun: In chungah lunginsietna le inremna sukpungin um raw se.

1 PETER 1:20

Ama chu leilung insieng hmain ruot lâwkin a um ngei el, nisienlakhawm, hun nuhnunga hin nangni leiin suklangin a um;

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.