ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:4 - Pathien Lekhabu Inthieng (BSI)

⁴ Chuongchun, unauhai, Krista taksa pêng in ni leiin dân kawnga sukhlumin in lo um ta a, mi dang, mithi laia inthawka a keitho kha, in nei thei tah, Pathien tienga kan ra theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:4 ပူးပေါင်းရင်းမြစ်များ

ISAI 54:5

Nangma siemtu chu i pasal a ni si a; a hming chu sipaihai Lalpa a nih; Israelhai Mi Inthieng chu nangma intlantu a ni bawk a nih; ama chu khawvêl po po Pathien tîng an tih.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

MATTHAI 26:26

Chun, an fâk laiin Isûn bei a lâk a, mal a sâwmpêk a, a khawi a; chun, inchûktirhai kuomah a pêk a, “La unla, fa ro, hi hi ka taksa a nih,” a ta.

MARKA 4:20

Chun, hnuoi ṭhaa thehai chu hieng hi an nih: thu chu hrea, pawm a, a lêt sâwmthum dâm, a lêt sâwmruk dâm, a lêt za dâma rahai hi,” a ta.

JOHAN 15:8

Hi hi leiin ka Pa chu chawimawiin a um hlak, tamtaka in ra hin; chuongchun, ka închûktirhai nîng in tih.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:11

Chuong ang bawkin, nangni khawm suol tieng kawngah thi taah inngai unla, Pathien tieng kawnga ruok chun Krista Isua chun hringah inngai ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:14

Suolnain in chungah thu a nei ta naw ding a ni si a, Dân rorêla um in ni naw a, lunginsietna rorêla um in ni lem si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:2

Teu lo e a! Eini suol tienga thi ta hnunghai iengtin am suolin la hring zing thei ei ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22

Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:3

Chuongchun, a pasal dam sûnga mi dang a nei chun “uirenu” tîng an tih; a pasal a thi ruok chun, chu dâna inthawk chun inthlain a um a; chuongchun, mi dang nei sien khawm uire a ni ta nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:6

Tu ruok hin chu a mi cheltu chu thisanin, Dâna inthawkin inthlain ei um tah; chuleichun lekha ziek hlui ang ni lovin, Thlarau tharin rawng ei bâwl theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta si a.

1 KORINTH 10:16

Malsâwmna no mal ei isâwm hlak hi, Krista thisen inṭawmpuina a ni naw am a nih? Bei ei khawi hlak hi Krista taksa inṭawmpuina a ni naw am a nih?

2 KORINTH 11:2

Pathien thîknain a nih in sawnnaw ka thîk cheu chu; Krista kuoma chun nunghâk inthieng anga ka pêk theina ding cheuin, pasal pakhat ka huol pêk si cheu a.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

GALATI 5:18

Nisienlakhawm, Thlarau ṭhuoia in um chun, Dân hnuoia chun in um nawh.

EPHESI 2:15

ama chun intaina, (ser le sâng thilhaia thupêk Dân um chu), a taksaa sukboin, amaa chun pahnihai chu mihriem thar pumkhata siem a, inremna a siem theina ding le,

PHILIPPI 1:11

Pathien ropuina le inpâkna ding Isu Krista zâra felna ra chun hung sip thei in tih.

PHILIPPI 4:17

Thilpêk chu zawng ka ni naw a, ra nangni tienga pung ding chu zawng ka ni lem.

KOLOSSA 1:10

Chuongchun, sinthaw tinrênga hung ra a, Pathien hrietna kawnga hung inṭhang deu deu a, kawng tinrênga ama suklungawi dinga Lalpa zui tlâka in um theina ding le,

KOLOSSA 1:22

Tu ruok hin chu a taksa thina leiin, thienghlim le sawiselbo le hmelhemlova a hmaa in um theina dingin ama leh a sukrem ta cheu a nih.

KOLOSSA 1:6

Chu Chanchin Ṭha chu, khawvêl pumpuiah malsâwmna hung intlunin a pung pei a; chuong ang takin in kuoma khawm a hung tlung a; titakzeta Pathien lunginsietna chu ngaia in hriet ni chena inthawk khan chu nangnia khawm rain a pung pei a ni kha.

KOLOSSA 2:14

Batna lekha thupêka ziek, ei chunga um a mi kal hlaktu chu a thaibo ta si a; chu ngei chu krawsa hemdein a lâk hmang ta a.

KOLOSSA 2:20

Khawvêl thlarau thilhai chu Kristaah in thisan ta si chun, iengleia hi khawvêl mi anga la um rawp am in ni a?

HEBRAIHAI 10:10

Chu chu dit zâwng chun, Isu Krista taksa vawi khata hlân nghâl lei khan sukthiengin ei um tah.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

THUPUONGSUO 19:7

Hlimtakin lâwm inla, ama chawimawi ei tiu, Berâmte nuhmei nei chu a hun ta si a; a mo khawm ânzo tah,” a ti ka hriet.

THUPUONGSUO 21:9

Chun, berbu pasari, hremna nuhnungtak pasaria sip chawi, vântirko pasari laia pakhat chu a hung a; ama chun, “Hung ta, mo, Berâmte nuhmei chu inentir ka ti che,” tiin a mi biek a.