ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22 - Pathien Lekhabu Inthieng (BSI)

²² Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22 ပူးပေါင်းရင်းမြစ်များ

INṬANNA 50:17

‘Hieng ang hin Josef kuomah, Lunginsiettakin i unauhai bawsietna le an suolna chu ngaidam rawh, i chungah thil chu an suksuol dea chu, tiin hril ro,’ tiin thu a mi pêk a: tuhin, lunginsiettakin i pa Pathien siehlawhai bawsietnahai chu ngaidam rawh,” an ti a. Chuonga a kuoma an hang hril chun Josef chu a ṭap ta a.

JOB LEKHABU (THE BOOK OF JOB) 1:8

Chun, Lalpa chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le, mi tluong le, Pathien ṭi mi le, suol nghatsan mi an um si naw a,” a ti a.

INPÂKNA HLABU 143:12

I ngilneina leiin a mi dotuhai chu sukbohmang la, Ka hringna suklungzîngtu po po sukbohmang la; I siehlaw ka ni si a.

INPÂKNA HLABU 86:2

Ka hringna hi vawngṭha la, Pathien ngaisak mi ka ni si a, Aw, nang ka Pathien, nangma ringtu i siehlaw hi, sandam rawh.

INPÂKNA HLABU 92:14

Tar hnung khawma la ra rawp an ta, Tuihnâng pâi ṭeuin hring hlut hlut an tih.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

DANIEL 3:26

Chun, Nebukadnezzar chu meithuk chawklai râpthlâktak bula chun a hung hnai a, “Sadrak, Mesak, Abednego, nangni Pathien Chunghnungtak siehlawhai, hung suok unla, hi tieng hin hung ro,” tiin a biek a. Chun, Sadrak, Mesak le, Abednego chu mei laia inthawk chun an hung suok ta a.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibakneihaia inthawkin a sansuok thei che am a nih?” a ta.

NAMBAR 23:10

Jakobrawi pilvut zât hiel chu tuin am tiem thei a ta? Israelhai hmun lia ṭhea hmun khat chu tuin am tiem thei a ta? Mi fel thi angin thi ve thei lang, Ka tâwpna chu a tâwpna ang ni sien,” a ta.

MATTHAI 13:40

Chuongchun, bu tehlêmhai chu an lâk khâwma meiah an raw ang hin khawvêl tâwpnaa chun la um a tih.

MATTHAI 13:43

Chu pha chun, mi felhai chu an Pa rama chun nisa angin var tâng an tih. Na nei chun hre raw se.

MATTHAI 19:29

Chun, mi tukhawm inhai amanih, unauhai amanih, farnuhai amanih, pa amanih, nu amanih, nuhmei amanih, nauhai amanih, ramhai amanih, ka hming leia fesan taphawt chun, a let za hmûng an ta, kumkhuoa hringna chang bawk an tih.

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

JOHAN 15:2

Ka zawmpui kâu ra naw taphawt chu a peihâwn hlak; a ra taphawt chu a sukthieng hlak, a ra tam nâwk zuolna dingin.

JOHAN 4:36

A sîktu chun hlaw a hmu hlak a, chatuona hringna chena um dingin ra a sîk hlak, a tutu le a sîktu an lâwm rêl theina dingin.

JOHAN 8:32

chun, thutak hrieng in ta, thutak chun suok ni bân a ti cheu,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:14

Suolnain in chungah thu a nei ta naw ding a ni si a, Dân rorêla um in ni naw a, lunginsietna rorêla um in ni lem si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:18

chun, suola inthawk chu insuoin in um a, felna suokhai in hung ni ta si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:25

Isu Krista ei Lalpa lei chun Pathien kuomah lâwmthu ka hril a nih. Chuongchun, keima tak chun, ka lungril chun, Pathien dân rawng ka bâwl hlak, ka tisa ruok chun suolna dân rawng ka bâwl hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:4

Chuongchun, unauhai, Krista taksa pêng in ni leiin dân kawnga sukhlumin in lo um ta a, mi dang, mithi laia inthawka a keitho kha, in nei thei tah, Pathien tienga kan ra theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta si a.

1 KORINTH 7:22

Suoka um Lalpaa ko chu Lalpa insuoktir suok a ni si a, chuong ang bawk chun suok ni lova koa um chu Krista suok a nih.

2 KORINTH 3:17

Chun, Lalpa chu Thlarau chu a na, Lalpa Thlarau umna taphawta chun zalênna a um hlak.

GALATI 1:10

Anleh, tuhin mihriem suklâwm tum am ka ni, Pathien suklâwm? Annawleh, mihriem laia tlâktlum tum ringawt am ka nih? Lo ni lang chu Krista suok ni naw ningah.

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

EPHESI 5:9

(var ra chu ṭhatna le felna le thutak po poah ânlang si a).

PHILIPPI 1:11

Pathien ropuina le inpâkna ding Isu Krista zâra felna ra chun hung sip thei in tih.

PHILIPPI 4:17

Thilpêk chu zawng ka ni naw a, ra nangni tienga pung ding chu zawng ka ni lem.

KOLOSSA 1:10

Chuongchun, sinthaw tinrênga hung ra a, Pathien hrietna kawnga hung inṭhang deu deu a, kawng tinrênga ama suklungawi dinga Lalpa zui tlâka in um theina ding le,

KOLOSSA 4:12

Epaphra, nangni laia mi, Krista Isu suokpa hin chibai a bûk cheu; ama chun Pathien dit zâwng taphawta puitling le ring tlatna neia in ngîr theina dingin a ṭawngṭainahaia chun in ta dingin a thaw rawp a nih.

TITA 1:1

Paula Pathien suok, Pathien ithlanghai ringna kawnga le, Pathien ngaisak tieng thutak hrietna kawnga Isu Krista tirko bawk chun:

HEBRAIHAI 12:14

Mi po po le inremna le inthiengna hnawt ro, chu inthiengna naw chun tukhawmin Lalpa hmu naw ni hai.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

1 PETER 1:9

in ring san, in thlarau sandamna chu hmuin.

1 PETER 2:16

zalên in nih, nisienlakhawm, in zalênna chu suol inkhumna dinga hmang lovin, Pathien suoka umna dingin hmang lem ro.

THUPUONGSUO 7:13

Chun, upahai laia pakhat chun, ka kuomah, “Hieng silfen vâra inthuomhai hi tuhai am an na, khâwtaka inthawka hung am an ni a?” tiin a mi biek a.