ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:5 - Pathien Lekhabu Inthieng (BSI)

⁵ Chun, Thlarau Inthieng ei kuoma a mi pêk khan Pathien hmangaina chu ei lungrilah a hung buok ta leiin beiseina chun a mi sukbeidawng naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:5 ပူးပေါင်းရင်းမြစ်များ

JOB LEKHABU (THE BOOK OF JOB) 27:8

Pathien ngaisak naw mi chun hlâwkna insiem fâwm hlak sien khawm, Pathienin a thlarau a lâkpêk pha chun ieng am beisei ding a nei leh?

INPÂKNA HLABU 119:116

Ka hring theina dingin i thu ang peiin mi chel zing la, Ka beisei chunga hin inzakin mîn umtir naw rawh.

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti che a; i kea pilvut chu liek an tih; chuongchun, kei hi Lalpa ka ni hung hre el i tih; a mi nghâktuhai chu muolphoin um naw ni hai.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hle a;

THILTHAWHAI 2:17

Pathienin, ‘Ni nuhnungahai chun hieng hi nîng a ta, Mi po po chungah ka Thlarau buok ka ta; Chuongchun, in naupahai, in naunuhaiin ka thu hril an tih; In tlangvâlhaiin inlârnahai hmûng an ta, In tarhaiin mangah mang an ta;

THILTHAWHAI 2:33

Pathien kut changtienga chawimawiin a um a, Thlarau Inthieng tiem chu Pa kuoma inthawkin a hmu a, tuta in hmu le in hriet hi a hung buok tah a ni hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:7

Rom khuoa Pathien idittakhai, mi inthieng ni dinga kohai po po kuomah; Pathien ei Pa le Lalpa Isu Kristaa inthawka lunginsietna le inremna in kuomah um raw se..

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:33

“Ngai ta, Ziona chun Tlûkna lung le, Dangna lungpui ka sie a; Tûkhawm ama ring taphawt chu Muolpho naw ni,” tia ziek ang khan.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

2 KORINTH 1:22

ama chu a mîn chiktu le ei lungrila zakhamna thlarau mi petu a ni bawk a.

2 KORINTH 13:14

Lalpa Isu Krista lunginsietna dâm, Pathien hmangaina dâm, Thlarau Inthieng pâwlna dâm chu in rênga kuomah um raw se.

2 KORINTH 3:18

Chuongchun, keini chu kan rêngin hmai inkhum lovin, hlimen anga Lalpa ropuina sunvarin, ropuinaa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawka kan hmu ang peiin.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

GALATI 4:6

Chun, nau in ni leiin Pathienin a Naupa Thlarau chu, “Abba! (Pa!)” tia khêkin, ei lungrilah a hung tir a.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

EPHESI 1:13

Amaa chun nangni khawm thutak thu, in sandamna Chanchin Ṭha chu, in ngaia ring khawm in ring hnungin, amaa chun a ta in nih ti Thlarau Inthieng tiem chun inchika in um kha.

EPHESI 4:30

Chun, Pathien Thlarau Inthieng chu suklungngai naw ro, intlanna nia dingin amaa chun inchika in um kha.

PHILIPPI 1:20

Ka beiseina le ka înhâwkna ang peiin ienga khawm sukmuolphoin um naw ningah a, huoitakin, ka um pângngai ang rawpin, tu khawm hin, hringna leiin amanih, thina leiin amanih, ka taksaa hin Krista chu chawimawiin a um ding a nih.

1 THESSALONIKA 4:8

Chuleiin, a pawisa nawtu chu mihriem pawisa naw a ni naw a, Pathien, a Thlarau Inthieng pe hlaktu cheu kha pawisa naw a ni lem.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia chatuona thlamuongna le beiseina ṭha mi petu chun,

2 TIMOTHE 1:12

Chu lei chun a nih hieng thilhai khawm hi ka tuor chu, nisienlakhawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

1 JOHAN 4:19

Amain a mi hmangai hmasak leiin ei hmangai a nih: