ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10 - Pathien Lekhabu Inthieng (BSI)

¹⁰ Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10 ပူးပေါင်းရင်းမြစ်များ

2 CHANCHIN SUINA 29:24

thiempuhai chun an that a, an thisen chun maichâm chunga chun suol thilinhlân chu an inhlân ta a, Israel mi po po ta dinga intlanna siempêk dingin pumrawhmang thilinhlân le suol thilinhlân chu Israel mi po po ta dinga thaw ding a nih tiin lal chun thu a lo pêk ta si a.

EZEKIEL 45:20

Chuongchun, chu thla ni sari ni chun mi thil lo suksuol ta tinhai ta ding le, mi lo thawpalhai ta dingin thâwng i ta; chuongchun, in ta ding chun intlanna chu siem in tih.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

LEVI DÂN 6:30

Suol inthâwina, a thisen, hmun inthienga intlanna siemna dinga intuokna puon ina hung lâk ruok chu fâk ding a ni naw a; râw el ding a nih.

JOHAN 14:19

Sâwt nawtê hnungah khawvêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

JOHAN 5:26

Pa chun mânia hringna a nei ang bawkin, Naupa mânia hringna neiin a siem;

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

JOHAN 6:57

Pa hring zing chun a mi tir a, Pa zâra hring ka ni ang bawkin, tûkhawm a mi fa chu keia zârin hring vêng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:28

Chanchin Ṭha tieng ngaituo chun nangni leiin hmêlma an nih; Thlang thu tienga ngaituo ruok chun, thlatuhai lei khan dittakhai an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:11

Chuong chau khawm chu a ni naw a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:6

Ei la hrât naw lai khan a hun takah Krista chu mi suolhai ai chun a lo thi ta si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:34

Tuin am thiemnaw inchangtir a ti leh? A thi chu Isu Krista chu a ni si a, anih, mithi laia inthawka tho nâwk ta lem a, Pathien changtienga uma a mi hrilpêktu bawk kha a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:7

tisa dit zâwng chu Pathien dona a ni si a. Chu chu Pathien dânin a um nghâl si naw a, um khawm a um thei bawk nawh.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

EPHESI 2:16

kraws zâra taksa pumkhata pahnihai chu Pathien le ân remtir theina dingin: chu kraws chun intaina chu a sukhlum si a.

EPHESI 2:3

Chuong ringnaw nauhai laia chun, eini khawm inhma chun tisa le lungril nuomzâwng thawin, ei tisa châknahai angin ei um vawng a, mi danghai angin lunginsenna naua insieng hrim ei ni kha.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 4:10

Hitaka hin hmangaina a um, einin Pathien ei hmangai ka ti a ni naw a, amain a mi hmangai a, ei suolhai thuphachawina ni dingin a Naupa a hung tir ka ti lem a nih.

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.