ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:9 - Pathien Lekhabu Inthieng (BSI)

⁹ Anleh, chu hamṭhatna chu sertanhai chung chau âm a ni a um, sertan nawhai chunga khawm? “Abraham ringna chu a felnaa ruot a nih” ei ti si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:9 ပူးပေါင်းရင်းမြစ်များ

INṬANNA 15:6

Chun, ama chun Lalpa chu a ring a; chuongchun, ama chun chu chu a felnaah a ruotpêk ta a.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:10

Chu chu iengti ziea ngai am ni tâng a ta? A sertan hmain am a ni, a sertan hnungin? A sertan hnungin a ni naw a, a sertan hmain a ni lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:3

Pathien Lekhain ieng am a hril a? “Abraham chun Pathien a ring a, chu ringna chu a felnaa ruot a nih,” tiin a hril a nih.

GALATI 3:14

Chuongchun, Abraham chunga malsâwmna chu Krista Isua chun Jentailhai chungah hung um thei a ta; chuongchun, ringna leiin Thlarau tiem chu hmu thei ei tih.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.