ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:6 - Pathien Lekhabu Inthieng (BSI)

⁶ Mi, a thilthaw ngaituo lova, Pathienin fela a ingaihai hamṭhatzie chu David khawmin:-

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:6 ပူးပေါင်းရင်းမြစ်များ

INPÂKNA HLABU 112:1

Lalpa chu inpâk ro, Lalpa ṭi mi chu a hamṭha ie, a thupêkhaia nasataka lâwm mi chu.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

JEREMIA 22:6

Juda lal in chungthua chun Lalpa chun hieng hin a ti si a: Ka ta ding chun Gilead i na, Lebanon lu leh; nisienlakhawm, matheilovin thlalêra le khawpui hluo lovah ka siem ding che a nih.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

MATTHAI 25:19

“Chun, sâwttak hnungah chuong suokhai pu chu a hung a, an kuomah a sum chanchin a sukfel a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:27

Insuongna chu khâwlai am a um leh? A puo tienga khâr nelin a um tah. Ieng dânin am a na? Thilthaw dânin am a nih? Ni lo e, Ringna dânin a ni lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:11

Chuongchun, sertan lova a um laia, ringnain felna chu a hmu ti inhrietna, sertan inchikna chu a hmu a, chu felna chu an ta dinga ruot a nina dingin sertan lohai laia ringtuhai po po pa a ni theina dingin,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:24

Isu, ei Lalpa mithi laia inthawka keithotu ringtu einihai ta ding khawmin a nih, ei ringna chu felnaa ngai nîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:5

Amiruokchu, mi, a thilthawa innghat lova, Pathien hre nawhai thiem inchangtirtu ring lemtu ringna chu, a felnaa ngai a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:7

“An bawsietnahai ngaidama umhai le, An suolhai inkhuma um chu An hamṭha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:9

Anleh, chu hamṭhatna chu sertanhai chung chau âm a ni a um, sertan nawhai chunga khawm? “Abraham ringna chu a felnaa ruot a nih” ei ti si a.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 3:14

Chuongchun, Abraham chunga malsâwmna chu Krista Isua chun Jentailhai chungah hung um thei a ta; chuongchun, ringna leiin Thlarau tiem chu hmu thei ei tih.

GALATI 4:15

Vângnei in intina kha khâwlai am a um ta a? Thaw thei ruol chu ni lem sien la, nangnîn in mithai kheldawkin mi pe tâng in tih ti ka hriet pêk cheu in sawnnaw.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng malsâwmpêkna tinrêngin Kristaa chun mal a mi sâwm a.

DÂN PAHNINA 33:29

I hamṭha de, aw Israel, Nang ang hrim tu am an um a, Lalpa sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

JAKOB 2:18

Anih, mi tûin amanih, “Nangin ringna i nei a, keiin thilthaw ka nei a nih; i ringna chu thilthaw ṭhang lovin mîn entir rawh, chun, keiin ka thilthawin ka ringna inentir ka ti che.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah: