ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:28 - Pathien Lekhabu Inthieng (BSI)

²⁸ Chuongchun, Dân thil thaw lei ni lovin, ringna leiin miin thiem chang dingin ei ngai a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:28 ပူးပေါင်းရင်းမြစ်များ

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:26

Ama ngei chu mi fel a nizie le Isua ringna nei taphawt thiem inchangtirtu a ni zie tulaia inentirna dingin a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:5

Amiruokchu, mi, a thilthawa innghat lova, Pathien hre nawhai thiem inchangtirtu ring lemtu ringna chu, a felnaa ngai a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

GALATI 2:16

nisienlakhawm, Dân thilthaw leiin mi thiem changin a um naw a, Isu Krista ring lei chauin thiem changin a um lem ti kan hriet si a. Keini khawmin Dân thilthaw lei ni lovin, Krista awina leia thiem changa kan um theina dingin, Krista Isu chu kan awi a nih; Dân thilthaw leiin mihriem hrim hrim thiem changin um si naw ni hai a.

GALATI 3:24

Chuongchun, Dân chu ringna leia thiem ei chang theina dinga Krista kuom tienga a mi keihruoitu a lo nih.

GALATI 3:8

Pathien Lekha thu chun, Pathienin ringna leiin Jentailhai thiem ân changtir ding a nih ti hre lâwkin, “Nangmaa chun hnam tin malsâwmpêkin um an tih,” tiin Abraham kuomah Chanchin Ṭha chu a hril lâwk kha.

EPHESI 2:9

Thilthaw lei a ni nawh; chuong naw chun, miin suong rawi an tih.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

TITA 3:7

Chuongchun, a lunginsietnaa thiem inchangtira hung umin, chatuona hringna beiseina ang peiin rohluotu dinga siemin um thei ei tih.

JAKOB 2:18

Anih, mi tûin amanih, “Nangin ringna i nei a, keiin thilthaw ka nei a nih; i ringna chu thilthaw ṭhang lovin mîn entir rawh, chun, keiin ka thilthawin ka ringna inentir ka ti che.

JAKOB 2:20

Aw, mi teplopa, thilthaw ṭhang lova ringna ngawt chu iengkhawm a ni nawh ti i hriet nuom am?

JAKOB 2:24

Ringna lei ngawt ni lovin, thilthaw lei lemin, miin thiem a chang hlak ti in hriet tah.