ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:20 - Pathien Lekhabu Inthieng (BSI)

²⁰ Chuongchun, mi tukhawm Dâna thilthaw leiin a mithmuah thiem changin um naw ni hai; Dân leiin suol hriet famkimna a hung um a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:20 ပူးပေါင်းရင်းမြစ်များ

JOB LEKHABU (THE BOOK OF JOB) 15:15

Ngai ta, a mi inthienghai chunga chun ringna ân nghat naw a, Anih, a vânhai khawm chu a mithmua chun ân thieng naw a nih.

INPÂKNA HLABU 130:3

Lalpa, nangin rîtlonahai în chik chun, Aw Lalpa, tu am ngîr an ti leh?

INPÂKNA HLABU 143:2

I siehlaw chunga hin rorêl naw la, I mithmua chun mihring hrim hrim thiem chang an um âwm si naw a.

THILTHAWHAI 13:39

tûkhawm ama ring taphawt chu, iengkimah ama thiem inchangtirin a um, chuonga chun, Mosie Dânin thiem inchangtirin in um thei nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:13

Dân hretu ringawthai chu Pathien mithmuin mi fel an ni naw a, Dân anga thawtuhai chu mi fela tiemin um lem an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:28

Chuongchun, Dân thil thaw lei ni lovin, ringna leiin miin thiem chang dingin ei ngai a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:13

Dân leiin Abraham le a thlahai kuoma chun khawvêl ro hluo ding thu chu tiem a ni naw a, ringnaa felna lei a ni lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:15

Dân chun lunginsenna a siem hlak si a; Dân um nawnaa chun bawsietna khawm a um bawk nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:13

Dân um hmain suol khawvêlah a um ta si a; dân a um si naw chun suol chu suola ngai a ni nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:20

Chun, bawsietna chu ân lang nawk zuol theina dingin Dân a hung um nâwk nghâl a. Nisienlakhawm, suol a pungna poah lunginsietna chu a pung zuol pei hlak;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:11

suolna chun thupêk lei chun, remchângna hmuin a mi lo hlêm a, thupêk chu hmangin a mi sukhlum tah a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:32

Ieng lei am a na? Ringna leh an hnawt naw a, thilthawa an hnawt lei a nih. Tlûkna lunga chun an tlu ta si a;

1 KORINTH 15:56

Thina tûr chu suol a na, suol thilthawtheina chu dân thu chu a nih.

GALATI 2:16

nisienlakhawm, Dân thilthaw leiin mi thiem changin a um naw a, Isu Krista ring lei chauin thiem changin a um lem ti kan hriet si a. Keini khawmin Dân thilthaw lei ni lovin, Krista awina leia thiem changa kan um theina dingin, Krista Isu chu kan awi a nih; Dân thilthaw leiin mihriem hrim hrim thiem changin um si naw ni hai a.

GALATI 2:19

Pathien tieng kawnga ka hung hring theina dingin kei chu Dân leiin Dân tieng kawngah ka thi ta si a.

GALATI 5:4

Nangni Dâna thiem chang tumtuhai, Krista leh in inṭhe ta a, lunginsietna chu in tlûksan tah.

HEBRAIHAI 7:19

Dân thu chun iengkhawm a sukfamkim si nawh. Beiseina ṭha lem lâk lûta hung um hin Pathien a mîn hnaitir lem a nih.