ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:21 - Pathien Lekhabu Inthieng (BSI)

²¹ Chuong ang i ni si chun, nang mi danghai inchûktirtu, nang le nang în chûktir naw am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:21 ပူးပေါင်းရင်းမြစ်များ

ISAI 42:20

Thil tamtak i hmu a, nisienlakhawm, i lungrilah i vawng zing ngai naw a, nahai chu ân âwng a, anachu a hriet ngai nawh.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbohmanga hlâwkna indik lo an hmuna dingin.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MATTHAI 21:13

an kuomah, “ ‘Ka in chu ṭawngṭaina in tîng an tih,’ ti ziek a na, nangni ruok chun suomhmanghai pûkin in siem lem hlak a nih,” a ta.

LUKA 11:46

Ama chun, “Dân hretuhai, nangni khawm in chung a rik ie! Thil phur rinumtakhai mihai in bel hlak a, nangni chun phurhai chu in kutpâr pakhat khawmin in them ngai si nawh.

LUKA 12:47

Suok a pu dit zâwng hre zing sia, lo inring lova, a pu dit zâwng ang khawma thaw lo chu, vawi tamtak vuong an tih.

LUKA 19:22

“Chun, ama chun a kuomah, ‘Suok suol, i ṭawngbau suok ngeiin kân thiem naw che. Mi vîntak ka na, ka sie naw khawm ka lâk a, ka tu naw khawm ka sîk hlak ti i hriet maw?

LUKA 4:23

Chun, ama chun an kuomah, “Hi ṭawngbau hi, ‘Dâktawr, nang insukdam rawh,’ ‘Kapernauma i thilthaw kan lo hriet taphawt kha, nangma khuo tieng khawm hin thaw ve rawh,’ tiin in mi la ti ngei âwm de hi,” a ta.

1 KORINTH 9:27

Boruok chau hnek lovin kei le kei kân hnek a, ka taksa ka hnek rak rak a, suokah ka siem hlak; chuong naw chun, mi danghai kuoma tlâng ka însampui hnung khawmin ieng amanih tiin kei ngei khawm hi peithlâkin um rawi ka tih.

GALATI 6:13

Sertanhai meu khawm chun Dân thu an zâwm chuong si naw a; in taksaa chun suong ding an nei theina dingin ser intantir cheu an nuom el a nih.