ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18 - Pathien Lekhabu Inthieng (BSI)

¹⁸ Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18 ပူးပေါင်းရင်းမြစ်များ

2 SAMUEL 15:6

Chuongchun, Israel mi lal kuoma thuhril dinga hung taphawthai chu Absalom chun chuong ang chun a lo thaw pei hlak a. Chuongchun, Absalom chun Israel mihai lungril chu a hîppêk a.

2 CHANCHIN SUINA 18:5

Chuongchun, Israel ram lal chun zâwlnei za li lai chu a ko khâwm a, an kuomah, “Ramoth-gileada chun indo dingin kan hang fe ding am, annawleh ka tosan el ding?” a ta. Anni chun, “Hang fe ro, Pathien chun lal kutah a pêk suok ding a ni si a,” an ta.

INPÂKNA HLABU 119:130

I thu hrilfie hin mihai a sukvar a, Mi mâwlhai chu ân hrietthiemtir hlak.

INPÂKNA HLABU 12:2

Mi tin chun an vênghai kuomah thu teplo mei mei an hril hlak si a; Mi inpâk tehlêmna hmûr le, hlêmna lungril putin thu an hril hlak a;

INPÂKNA HLABU 19:7

Lalpa dân chu a ṭha famkim a, hringna a siemṭha hlak, Lalpa thu inhriettir chu ring a um a, mi mâwl a sukvar hlak.

THUVARHAI 14:15

Mi mâwl chun thu tinrêng el hi a ring a, Mi var ruok chun a fena chu a en ngun hlak.

THUVARHAI 22:3

Mi var chun thil suol chu a hmu a, ân bi a, Mi mâwl ruok chu a fe pei a, a tuor pha hlak.

THUVARHAI 8:5

Aw nang mi mâwl, varna hung hrethiem ta la, Chun, nangni invêthai, hrietthiemna lungril hung nei ro.

JEREMIA 23:17

Lalpa thuhai hmusittuhai kuoma chun, Lalpa chun, ‘Thlamuongna nei in tih, a tih,’ an ti zing zing hlak a, chun, mi mâni lungril ngarzie ang peia um hlaktu kuoma khawm chun, ‘In chungah thil ṭha naw hung tlung naw nih,’ an ti bawk hlak a.

EZEKIEL 13:16

Zâwlneihai Jerusalem chungthu hrillâwktu le inremna um silo inremna dinga thilhmulâwk hmuhai chunga chun, Lalpa Pathien chun a tih.

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet ta a.

DANIEL 11:34

An tlûk pha chun, anni chu ṭhangpuina tlâwmtêa ṭhangpui nîng an ta; nisienlakhawm, mi tamtak chun anni chu simbudawiin hung zâwm an tih.

MIKA 3:5

Ka mihai insuksuoltirtu, sawi nei pumin, “Muongna,” tia khêk a, an baua inba naw taphawt do buotsai hieltu zâwlneihai chungchâng thu chu Lalpain hieng ang hin a tih:

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

MATTHAI 24:11

Zâwlnei tehlêm tamtak khawm hung suok an ta, mi tamtak hlêm an tih.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:18

Tûkhawm, chuong thua Krista rawng bâwl chu, Pathien lâwm zâwng le mihriem inpâkin a um hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:19

In awizie chu mi po po kuomah ân thang suok ta si a. Chuleiin, nangni chungthuah ka lâwm a nih; nisienlakhawm, a ṭha tieng in vara, a suol tieng in var naw ka nuom a nih.

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.

GALATI 1:10

Anleh, tuhin mihriem suklâwm tum am ka ni, Pathien suklâwm? Annawleh, mihriem laia tlâktlum tum ringawt am ka nih? Lo ni lang chu Krista suok ni naw ningah.

PHILIPPI 2:21

An rêngin Isu Krista thil zawng lovin, mâni thil an zawng hlak si a.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

KOLOSSA 2:4

Tûkhawma bau thiema an hlêm nâwna ding cheuin, chuong chu ka ti a nih.

KOLOSSA 3:24

a thungna rohluo ding chu Lalpa kuoma inthawkin in hmu ding a nih ti hre zingin Lalpa Krista rawng in bâwl a ni hi.

2 THESSALONIKA 2:10

bohmang zinghai dinga fel nawna hlêmna tinrêng leh nîng a tih, sandama an um theina dinga thutak hmangaina chu an pawm naw leiin.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

JUDA 1:12

Chuonghai chu, zakmawtaka an insukhlimtuona leiin, hmangaina ruoi in ṭhenaa chun, in hmêlsietna an nih; mâni hmakhuo chau ngai mi an ni a; sûm tui painaw, thli imût lênghai an nih; favânga thing ra naw, vawi hni thi tah, a zung puma phawi dawk tahai an nih;

JUDA 1:16

Chuonghai chu chiertu le sawisêltuhai an na, anni châkna ang peiin an um a, an bauhai khawmin uongna thu puomtakin a hril a, hlâwkna dit leiin mi an ngaina hlak a nih.

THUPUONGSUO 1:1

Isu Krista thupuongsuo, Pathienin a suokhai inhriettir dinga a kuoma a pêk, thil hung um vak ding thu chu; chu chu a vântirko hmangin a suok Johan kuomah a hung inhriettir a;

1 SAMUEL 2:29

Ieng leiin am ka umnaa inhlân dinga ka ruot ka kuoma inthâwina le ka puola thil inhlân chu in sirde a, keia nêka i nauhai i chawimawi lem a, nangni insukthâuna dinga ka mi Israelhai inthâwina a ṭha ṭha in hmang am a na?’ tiin.