ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:19 - Pathien Lekhabu Inthieng (BSI)

¹⁹ Chuongchun, inremna le insuksâwt tuona ding thilhai chu hnawt ei tiu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:19 ပူးပေါင်းရင်းမြစ်များ

INPÂKNA HLABU 133:1

Ngai ta, unauhai inngei diel diela um khâwm hi, A va ṭhain, a vân hawi de!

INPÂKNA HLABU 34:14

Suol chu fe san la, thil ṭha thaw rawh; Inremna zawng la, a hnawtin hnawt rawh.

MATTHAI 5:9

“Inremna siemtuhai chu an hamṭha; Pathien nauhai inbûkin an la um ding a ni si a.

MARKA 9:50

Machi hi a ṭha; nisienlakhawm, machi hi a alna lo da ta sienla, iengin am sukal nâwk an ta? Nangni ngeiin machi nei unla inngei ro,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:18

A thei phawt chun nangni tieng bêk mi po po le inremin um ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:2

Mâni vênghai suksâwtna ding le an ṭhatna dingin suklâwm tum seng ei tiu,

1 KORINTH 10:23

Thil iengkim thaw a thieng a; nisienlakhawm, thil iengkim thaw a ṭha kher nawh. Thil iengkim thaw a thieng a; nisienlakhawm, thil iengkim thawin a mi siem ṭha kher nawh.

1 KORINTH 10:33

Keiin mâni ta dinga ṭangkaina zawng lova sandam an ni theina dinga mi tamtak ta dinga ṭangkaina zawng lemin, mi po po iengkimah ka suklâwm ang tak hin.

1 KORINTH 14:26

Unauhai, iengtin am ni tâng a ta? In hung inkhâwmin inpâkna hla amanih, thu inchûktirna amanih, inhriettirna amanih, ṭawng hrietlo amanih, hrilfiena amanih in nei seng hlak. Iengkim siem ṭhatna dingin thaw ni raw se.

1 KORINTH 14:3

Thuhriltu ruok chun mihriem kuomah siem ṭhatna thu dâm, infuina thu dâm, thlamuongna thu dâm a hril lem hlak.

1 KORINTH 14:4

Ṭawng hrietlova thu hril chun ama chau ân siem ṭha hlak. Thuhriltu ruok chun kohran a siem ṭha hlak.

1 KORINTH 14:5

Chun, in rênga ṭawng hrietlohaia thu in hril ka nuompui cheu; nisienlakhawm, thu in hril ka nuompui nâwk zuol cheu a nih; kohranin insiemṭhatna an hmu theina dingin a hrilfie nâwk nghâl naw chun, thu hriltu chu ṭawng hrietlova thu hriltu nêk chun a ropui lem hrim hrim a nih.

1 KORINTH 7:15

Nisienlakhawm, a awinaw lemin a ṭhe chun ṭhe el raw se, chuong anga chun chu unaupa amanih, farnu amanih hrên an ni ta nawh. Pathien ruok chun inremnaah a mi ko a nih.

1 KORINTH 8:1

Chun, milimhai kuoma inthâwina thilhai thu kha chu: Ei rêngin hrietna ei nei seng ti ei inhriet a. Hrietna hin chu mi a sukuong hlak a, lunginsietna ruok chun mi a siem ṭha hlak.

2 KORINTH 12:19

Tuta sûng po hin nangni kuomah kan thiemna thu hrilah in mi ring zing a ni âwm a. Kristaa chun Pathien mithmuah a nih thu kan hril chu. Nisienlakhawm, dittakhai, iengkim hi nangni siem ṭhatna ding a nih.

2 KORINTH 13:11

A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

EPHESI 4:12

Krista taksa siem ṭha dinga, rawngbâwlna sin thawa, mi inthienghai sukfamkim dinga,

EPHESI 4:29

Thu ṭhanaw hrim in bauah suok naw sien la, a ṭul zie ang peia siem ṭha dingin thu ṭha suok lem raw se, a ngaituhai dingin lunginsietna a hung ni theina dingin.

1 TIMOTHE 1:4

tienami mei mei le sui sêng lo thlatuhai thu (ringnaa Pathien khawsakzie um hi sukṭhat nêka insêlna siem lem hlaktu chu) ngaisak lo dinga kâwk dingin tu khawm hin ka la ngên rawp che a nih.

2 TIMOTHE 2:22

Nisienlakhawm, tleirâwl châknahai chu tlânsan la, lungril inthienga Lalpa lam taphawthai kuoma chun felna dâm, ringna dâm, hmangaina dâm, inremna dâm hnawt ve rawh.

HEBRAIHAI 12:14

Mi po po le inremna le inthiengna hnawt ro, chu inthiengna naw chun tukhawmin Lalpa hmu naw ni hai.

1 PETER 3:11

Suol nghatsanin, Thil ṭha thaw raw se; Inremna zawngin, Hnawt pei raw se.