ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:8 - Pathien Lekhabu Inthieng (BSI)

⁸ Inhmangai tuona ngawt naw chu tû iengkhawm bat naw ro; mâni mihriempui hmangaitu chun dân chu a zâwm famkim ta si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:8 ပူးပေါင်းရင်းမြစ်များ

MATTHAI 7:12

“Chuongchun, thil tinrêng mîn in chunga an thaw dinga in dit ding ang peiin, mi chunga khawm thaw ve ro; chu chu Dân le zâwlneihai thu a ni hrim a nih.

JOHAN 13:34

“Thupêk thar ka pêk cheu hi, inhmangai tuo unla; keiin ka hmangai ang cheu hin, nangni khawm inhmangai tuo ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:10

Hmangainain vênghai a sukkhawhlo ngai naw a, chuleiin hmangaina hi dân hraw famkimna a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:7

Mi po po kuomah pêk ding taphawt chu pe ro; leiman pêkna ding kuoma chun leiman pe unla, sie chawina ding kuoma chun sie chawi unla, ṭi ding chu ṭi unla, inza ding chu inza ro.

GALATI 5:14

“Nangma în hmangai angin i vênghai i hmangai ding a nih,” ti thu baukhata hin Dân thu po po chu a famkim tah a ni si a.

KOLOSSA 3:14

Chun, chuong po po chunga chun hmangaina inbel ro, chu chu khuop famkimna a nih.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

JAKOB 2:8

Nisienlakhawm, Pathien Lekha thu, “Nang în hmangai angin i vênghai i hmangai ding a nih,” ti lal dân hi in zâwm chun, in thaw ṭha;

1 JOHAN 3:10

Hitaka hin Pathien nauhai le Diebol nauhai ân hriet a nih; tûkhawm felna thaw naw chu Pathiena inthawka suok a ni naw a, a unau hmangai naw khawm chu Pathiena inthawka suok a ni bawk nawh.