ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3 - Pathien Lekhabu Inthieng (BSI)

³ Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu lovin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3 ပူးပေါင်းရင်းမြစ်များ

THUVARHAI 25:27

Khuoizu hi fâk ṭeu el chu a ṭha naw a; Miin mâni ropuina ding ngawt a zawng hi ropuina a ni nawh.

THUVARHAI 26:12

Mi ama ngaidân chaua var chu i hmu hlak am? Ama nêk chun mi invêta chun beiseina lien lem a um.

THUHRILTU 7:16

Intifel talaw naw la, insukvar talaw bawk naw rawh; iengdingin am nang le nang insukbohmang i ta?

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:5

A hming leia hnam tin laia mi ringna thu chu inzâwmtir dingin; ama zâra chun lunginsietna le tirko nina chu kan chang ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:16

Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

1 KORINTH 3:10

Pathien lunginsietna ka kuoma pêka um ang peiin in bâwl hotu tak vartak angin keiin lungphûm ka rem a, mi dangin a chungah in an bâwl a, nisienlakhawm, mi tin a chunga bawl dingziea chun fimkhur seng raw hai se.

1 KORINTH 7:17

Iengkhawm ni sienla, Lalpa chun mi tin kuoma a sem pângngai ang seng le, Pathienin mi tin a kona pângngai ang sengah um raw hai se. Chuong ang chun kohranhai po poah ka ruot hlak.

2 KORINTH 10:13

Keini ruok chu kan inkhîna bâka chun uong naw ning ungah. Pathienin biel a mîn changtir a, chu inkhîna ang pei chun uong lem kan tih, nangni chen khawm hung biel rau dinga inkhîna chu.

2 KORINTH 12:13

Ieng kawng am a na, kohran danghai nêka inhnuoi lema siema in umna chu? Keima ngeiin ka sukkhâwk nawna cheu kawnga khan a ni nghâl naw chun. Chu indik nawnaa chun mi ngaidam ro.

2 KORINTH 12:7

Chun, inhriettirnahai chu a nasa bêk bêk leia kân ngaihlu taluo nawna dingin tisaah hling a mi pêk a nih. Setan tirko, kut inthak nûlnaa mi hmangtu ding chu; chuong naw chun, inngaihlu taluo rawi ka tih.

GALATI 6:3

Mi iengkhawm ni si lovin, mi lien deua ân ngai chun, ân hlêm fâwm el a ni si a.

EPHESI 3:2

Nangni tienga Pathien lunginsietna enkawlna sin a mi pêk kha lo hre ta ngei in ta;

EPHESI 3:4

Kha lei khan in tiemin, Krista thurûk ka hriet zie hi hre thei in tih.

EPHESI 4:16

Ama zârah taksa pumpui chun inzawmna tinrêng thaw leia inremtaka insuktuo le inzawm khâwmin, pêng tin sin thaw zie ang sengin, hmangainaa insiem ṭha dingin taksa chu a hung sukpung hlak a nih.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni si a.

KOLOSSA 1:29

chuong anga inngîrtir thei dingin, nasataka keimaa sin a thaw, chu a sinthaw ang peia thaw ṭâlin, ka thaw hrim bawk hlak a nih.

KOLOSSA 2:13

Chun, nangni bawsietnahai le tisaa sertan nâwna leiin thi in lo ni a, nangni ngei chu ama leh a sukhring cheu in ni kha. Ei bawsietnahai po po a mi ngaidam a.

1 TIMOTHE 1:14

chun ei Lalpa lunginsietna chu ringna le Krista Isu hmangainain nasatakin a liem ta a.

1 TIMOTHE 2:15

Nisienlakhawm, nuhmei chu ringna le hmangaina le, inthiengna neia lungril feltak puta a um chun, nau nei leiin sandamin um a tih.

1 TIMOTHE 2:9

Chuong ang bawkin, nuhmeihai khawm silfên mâwl tak leh, inchei taluo lovin, thuom inchawi tâwkin inthuom hai sienla, sam phierin amanih, rângkachakin amanih, lunghluin amanih, puon man tamtakhaiin amanih inchei lovin.

TITA 2:12

Pathien ngaisak nawna le, khawvêl châknahai bânsanin, tulai khawvêla hin insûm le feltak le Pathien ngaisakin ei um ding a nih ti mîn chûktirin,

TITA 2:2

Putarhai chu insûm thei, inzâum, lungril feltak; ringna le hmangaina le selnaa indiktak ni dingin infui rawh.

TITA 2:4

la nunghâk deuhai chu an pasalhai hmangai ding dâm, an nauhai hmangai ding dâm,

TITA 2:6

Chuong ang bawkin la tlangvâl deuhai chu lungril feltak put dingin infui bawk rawh.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

1 PETER 4:7

Nisienlakhawm, thil po po tâwpna chu a hnai ta a, chuleiin, in ṭawngṭai theina dingin lungril feltak putin fimkhur ro.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

1 PETER 5:8

Ngaiven unla, fimkhur ro; in khingpui Diebol chu sakeibaknei inrûm hlak angin a fâk thei ding zawngin ân vêl ruoi hlak a nih.

3 JOHAN 1:9

Kohranhai kuoma khan thu tlâwmtê chu ka ziek tah; nisienlakhawm, Diotrepha, anni laia chunghnung nuom hlak khan, a mi lâwm si nawh.