ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19 - Pathien Lekhabu Inthieng (BSI)

¹⁹ Dittakhai, in phuba la naw unla, Pathien lunginsenna inkien lem ro,“phuba hrim hrim keia lâk ding a nih, keiin thung ka tih, Lalpain a tih,” ti ziek a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19 ပူးပေါင်းရင်းမြစ်များ

THUVARHAI 20:22

“Thil ṭha naw chu thung ka tih,” nangin ti naw la, Lalpa chu nghâk la, ama chun sandam a ti che.

THUVARHAI 24:29

“Ka chunga a thaw angin a chunga khawm thaw vêng ka tih, Mi chu a sinthaw ang peiin ka pêk ding nih,” ti naw rawh.

JEREMIA 51:36

Chuleiin, Lalpa chun hieng hin a ti si a: “Ngai ta u, in thua chun ṭan ka ti cheu a, in ta dingin phuba lapêk ka ti cheu; chun, a tuipui chu sukkang ka ta, a tuikhur khawm chu sukhul ka tih.

EZEKIEL 25:12

“Lalpa Pathien chun hieng hin a tih: Edom hi Juda sûngkuo chungah phuba lain le, maw nasatak inphurtirin le, an chunga thungin a lo sawisak tâk leiin,

LEVI DÂN 19:18

Phuba i lâk ding a ni naw a, i chipuihai theidâna i pâi ding a ni bawk naw a, nang le nang în hmangai angin i tuolbâwm chu i hmangai ding a ni lem: Kei hi Lalpa chu ka nih.

MATTHAI 5:39

Kei ruok chun ka hril cheu hi, mi suol khing naw ro. I bieng changtienga ben taphawt che chu a khing tieng khawm dawpêk lem rawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:14

A suknawmnatuhai cheu chu malsâwmpêk unla, ṭawngsie chu in phur naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:17

Tu suol khawm suolin thung naw ro, mi po po ngaia thil mawi chu ngaituo lâwk ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:4

ama chu i ṭhatna dinga Pathien rawngbâwltu a ni si a. Nisienlakhawm, thil suol i thaw chun ṭi rawh, kâwlhnâm chu a chawi mei mei si naw a; ama chu Pathien rawngbâwltu, thil suksuoltuhai chunga lunginsenna phuba latu a ni si a.

EPHESI 4:27

Diebol chu hmun inkien bawk naw ro.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.

DÂN PAHNINA 32:43

“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin keini khawmin kan hril lâwkin kan inhriettir ta cheu ang khan.

2 TIMOTHE 4:14

Alexander, dâr sung thiem kha ka chungah a suol bêk bêk hlak a nih;

HEBRAIHAI 10:30

“Phuba hrim hrim keia lâk ding a nih, keiin thung ka tih,” ti le “Lalpa chun a mihai ngaituong a tih,” ti nâwktu chu ei hriet si a.

1 SAMUEL 25:26

Chuleiin, tuhin pu Lalpa hringna le i hringna sâlin ka hril a nih, ka lo hmu naw takzet a nih, Lalpain thisen insuo lo ding le i kuta phuba la lo dingin a siem si che a, i hmêlmahai le ka pu ṭhat nawna zawngtuhai chu Nabal ang ni el raw se.

1 SAMUEL 25:33

chun, i remhrietna chu malsâwmin um sienla, chun, nang thisen insuo thiemnawnaa inthawka mi humtu le keima kuta phuba la lova mi siemtu chu malsâwmin um bawk rawh.

1 SAMUEL 26:10

Chun, David ma chun, “Lalpa hringna sâlin ka hril a nih, Lalpa chun a chungah kut thlâk naw nîm, an naw vêk leh a thi ni la hung tlung el a tih; a ni naw vêk leh indonaah fêng a ta, bohmang el a tih.

1 SAMUEL 26:11

Lalpa hrieknâl chunga chun kut ka thlâk naw dingzie chu, a lu bula fei le tuiûm ruok kha chu la ta la aw, chuongchun, fe el ei tih,” a ta.