ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:16 - Pathien Lekhabu Inthieng (BSI)

¹⁶ Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:16 ပူးပေါင်းရင်းမြစ်များ

2 CHANCHIN SUINA 30:12

Chun, Juda rama khawm chun Lalpa thua hotuhai le lal thupêk ang chu thaw dingin inthuruolna Pathienin a pêk a.

JOB LEKHABU (THE BOOK OF JOB) 36:5

Ngai ta, Pathien chu thilthawthei a na, tukhawm a hmusit ngai naw a, Hrietna hrâtnaa thilthawthei a nih.

THUVARHAI 17:5

Tukhawm mi pasie nuisan chun a siemtu a hmusit a nih. Vângduoina diriemtu chu hrem lo ni naw nih.

THUVARHAI 19:17

Mi pasie lunginsiettu chun Lalpa ân pûktir a na, A thil thaw ṭha chu ama chun pe nâwk a tih.

THUVARHAI 19:22

Mihriem nuom zâwng chu a lunginsietna inkhina a na, Mi pasie chu mi khêlhlip nêkin a ṭha lem.

THUVARHAI 19:7

Mi pasie chu a unauhai po poin an theida a, A ruolhai lem chun ieng ang khieua hla am an fe san ding chu! Thuhaiin anni a hnawt pei a; nisienlakhawm, an fe hmang tah.

THUVARHAI 26:12

Mi ama ngaidân chaua var chu i hmu hlak am? Ama nêk chun mi invêta chun beiseina lien lem a um.

THUVARHAI 26:5

Mi invêt chu ân vêtzie ang peiin dawn rawh, Chuong naw chun, ama le ama mi varah insie hlau rawi a tih.

THUVARHAI 3:7

Nanga mithaia ringawt chun var naw la, Lalpa chu ṭi la, rîtlona chu mâksan rawh.

ISAI 5:21

Mâni ngaia varhai le mâni ngaia bengvârhai chu an chung a rik ie!

JEREMIA 32:39

kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 26:11

Pasiehai chu kumkhuoa in kuoma um an nih annâwm, kei ruok chu kumkhuoa in kuoma um ding ka ni nawh.

LUKA 14:13

Ruoi i ṭhe pha chun, pasiehai, piengsuolhai, keinbaihai, mitdelhai fiel lem rawh;

LUKA 6:20

Chun, a dâk suok a, a închûktirhai chu a en a, “Nangni rimsihai, in hamṭha ie, Pathien ram in ta a ni si a.

THILTHAWHAI 4:32

Chun, a ringtu mipuihai chu lungril hmunkhat le ngaituo hmunkhatin an um a; anni laia pakhat khawmin an sum nei, “Ka ta bîk a nih,” an ti nawh; thil po po an inṭâwm lem hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu lovin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:5

Tuorselna le thlamuongna Pathien chun Isu Krista hril angin lungril hmunkhat put dingin inumtir raw se cheu;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:2

Teu lo e a! Eini suol tienga thi ta hnunghai iengtin am suolin la hring zing thei ei ta?

1 KORINTH 1:10

Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.

1 KORINTH 3:18

Tûkhawmin ama le ama inhlêm naw raw se. Nangni laia tûkhawm hi khawvêla vara inngai chu a hung var theina dingin mi invêtah hung inchang phawt raw se.

1 KORINTH 4:10

Keini chu Krista leiin mi invêt kan nih, nangni ruok chu Kristaa chun mi var in ni lem a nih! Keini chu kan hrât naw a, nangni ruok chu in hrât a nih! Nangni chu mi inpâkin in um a, keini ruok chu mi hmusitin kan um a nih.

1 KORINTH 6:5

In inzakna dingin ka hril a nih. A unau kâra thu sukthlu thei, mi var pakhat khawm nangni lai in hmu thei naw nîng a ti maw!

1 KORINTH 8:2

Tûkhawmin thil ieng amani hrea ân ngai chun, a hriet ding ang chu a la hriet naw a;

2 KORINTH 13:11

A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

PHILIPPI 3:16

Iengkhawm ni sien la, ei phâk chin ang pei hi sukdikin, chutaka inthawk chun fe pei ei tiu.

PHILIPPI 4:2

Lalpaa chun lungril hmunkhat put dingin Eodi ka ngên a, Suntuki khawm ka ngên bawk a nih.

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti che a, mâksan ngai naw bawk ka ti che,” a ti si a.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.

1 PETER 5:3

in chanhai chungah insuklal bawk lovin, pâwlhai enkhi dingin insiem lemin inrawi ro.

3 JOHAN 1:9

Kohranhai kuoma khan thu tlâwmtê chu ka ziek tah; nisienlakhawm, Diotrepha, anni laia chunghnung nuom hlak khan, a mi lâwm si nawh.