ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1 - Pathien Lekhabu Inthieng (BSI)

¹ Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1 ပူးပေါင်းရင်းမြစ်များ

INPÂKNA HLABU 116:12

Ka chunga a thil thaw ṭhat po po hi, Lalpa kuomah ieng am pe ve thung ka ta aw?

INPÂKNA HLABU 19:14

Aw Lalpa ka lungpui le a mîn tlantu, Ka baua thu suokhai le ka lungrila ngaituonahai hi i mithmuah lâwmtlâkin um raw se.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlânhai chu pawm a ni naw a, in inthâwinahai khawm chu ka ta dingin lâwmum a ni nawh.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

NAMBAR 7:21

pumrâwhmang thilinhlâna dingin bâwngchal tuoi pakhat, berâmchal pakhat, berâmte a chal kum khat mi pakhat;

LUKA 7:47

Chuleiin, ka ti che hi, a suol tamtak kha ngaidamin a um tah; ama khawmin a hmangai ta bêk bêk a ni hi; amiruokchu, ngaidam tlâwm chun, tlâwmtêin a hmangai hlak,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:16

Jentailhai inhlânna chu, Thlarau Inthieng sukthienga lâwmtlâk an ni theina dingin Pathien Chanchin Ṭha kawngah thiempu sin ka thaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:30

Unauhai, tuhin, in mi ṭawngṭai pêknaa chun ṭhahnemngaitaka mi ṭawngṭai pêk dingin Lalpa Isu Krista le Thlarau Inthieng hmangainain ka ngên cheu a nih:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre lovin, a ṭhatna hauzie le, a en theizie le, a zaidaw theizie dâm chu i ngainêp am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:16

Tu kuoma khawm an thu awi dinga an suoka in lût chun, thina khawpa suol suok amanih, felna khawpa thuawina suok amani khawm ni sienla, a thu in iawi suok chu in nih ti in hriet naw am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19

(In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsieta kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:23

Lunginsietna bêl, ropui dinga a lo buotsai lâwkhai chunga chun a lunginsietna hau zie ân entir theina ding a ni phawt chun.

1 KORINTH 1:10

Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

2 KORINTH 4:1

Chuleichun, lunginsietna kan hmu ang peia hi rawngbâwlna hi kan nei leiin kan dawl naw a;

2 KORINTH 4:16

Chuleichun, kan dawl naw a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

EPHESI 5:10

Lalpa lâwmzâwng ieng am a na ti infie pei bawk unla.

DÂN PAHNINA 14:2

Lalpa in Pathien ta dingin hnam inthieng in ni si a, hnuoi chunga hnam po poa ama puol bik ni ding cheuin Lalpain a thlang cheu in nih.

PHILIPPI 1:20

Ka beiseina le ka înhâwkna ang peiin ienga khawm sukmuolphoin um naw ningah a, huoitakin, ka um pângngai ang rawpin, tu khawm hin, hringna leiin amanih, thina leiin amanih, ka taksaa hin Krista chu chawimawiin a um ding a nih.

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

1 THESSALONIKA 4:1

Chuongchun, unauhai, a tâwp taka chun, in um dân ding le Pathien in suklâwm dân ding (tuta in um dân hi) kan kuoma inthawka in lâk ang khan in hau nâwk zuolna dingin Lalpa Isua chun kan ngênin kan infui cheu a nih.

1 THESSALONIKA 4:10

Makedonia ram pumpuia unau umhai po po chunga chun chu chu in thaw ngei bawk a nih: nisienlakhawm, unauhai, thaw nâwkzuol deu deu dingin kan infui cheu a nih.

1 THESSALONIKA 5:12

Nisienlakhawm, unauhai, kan ngên cheu a nih: nangni laia sin inrim le Lalpaa in hotua um le, a kâwktuhai cheu chu hre ding le,

1 TIMOTHE 2:3

Chu chu a mi Sandamtu Pathien ngaiin a ṭhain lâwm tlâk a nih;

1 TIMOTHE 5:4

Nisienlakhawm, hmeithai tûkhawmin nauhai amanih, tuhai amanih nei sienla, chuonghai chun anni insûng tienga Pathien ngaisaka um dân le, anni keitleituhai chunga ṭhatzie inchûk zet raw hai se; chu chu Pathien lâwm zâwng a ni si a.

PHILEMON 1:10

ka nau Onesima, kawl bun puma ka inei ta ding hin i kuomah ka ngênpêk a nih.

PHILEMON 1:9

hmangaina leiin (Paula tarsie rau lo ni tah, tuta Krista mi intâng ni bawk hin) a ngênin ka ngên lem che,

HEBRAIHAI 13:22

Nisienlakhawm, unauhai, ka ngên cheu, infuina thu hi ngai thei hrâm ro; in kuomah thu tlâwmtê ka ziek si a.

1 PETER 2:20

In suol a, kutthlâk in tuorin, seltakin tuor unla khawm inpâk ieng am in hlaw leh? Nisienlakhawm, thil in thaw ṭhaa in tuorin, seltaka in tuor chun, chu chu Pathien lâwm zâwng a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.