ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:8 - Pathien Lekhabu Inthieng (BSI)

⁸ “Pathienin vawisûn chen hin inlusukna thlarau a pêk a, hmu thei nawna mithai le, hriet thei nawna nâhai dâm le chun,” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:8 ပူးပေါင်းရင်းမြစ်များ

2 LALHAI 17:34

Kha hmaa an thaw dân angin tu chen khawm hin an la thaw zing a nih; Lalpa chu an ṭi naw a, Lalpain Jakob thla Israelhai tia ân bûkhai kuoma a pêk thuruothai, rorêlhai, dânhai le thupêkhai khawm an zâwm bawk nawh.

2 LALHAI 17:41

Chuongchun, chuong hnamhai chun Lalpa chu ṭi chu an ṭi a, an milim siem fâwmhai rawng khawm an bâwl bawk a; chuong ang bawkin an thlahai le an thlahai thla chen khawmin tu chen hin an pi le puhai thaw dânin an la thaw zing a nih.

ISAI 29:10

Lalpa chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta si a.

ISAI 6:9

Chuongchun, kei chun, “Kei hitaka hin ka um, mi tir ta la,” ka ti a. Chun, ama chun, “Fe la, hi chihai hi hril rawh, ‘Na chun a hriet chu hre unla, a ngaina ruok chu hre naw ro; a hmu chu hmu unla, a hriet chu hre naw ro,’ tiin.

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

EZEKIEL 12:2

“Mihriem naupa, nang sûngkaw hel hmang, hmûna dinga mithai nei si a, hmu lohai, hrietna dinga nahai nei si a, hre lohai laia chêng, sûngkaw hel hmang an ni si a.

EZEKIEL 20:26

chun, anni thilpêkhaia ngei, sul hung hawngtu taphawt meia an infethlengtirnaa chun, anni chu râusana ka siem theina ding le, a tâwpa chun Lalpa ka nih ti an mi hriet theina dingin anni chu ka sukpawrche a.

LUKA 8:10

Ama chun, “Pathien ram thurûk chu nangni ihriet chu phal a na, mi dang kuoma ruok chu tekhithu chaua hril a nih; hmu hai sienla khawm, hmu naw an ni theina dingin, nain hrehai sienla khawm a ngaina an hriet thei nawna dingin.

THILTHAWHAI 28:26

Hi chihai kuoma hin va hril rawh: ‘Na chun chu hre de ti niu a, a ngaina ruok chu hre tawp naw ti niu, Hmu chu hmûng in ta, hriet chu hre tawp naw ti niu;

DÂN PAHNINA 29:4

Nisienlakhawm, Lalpain vawisûn chen hin hriet thiemna lungril dâm, hmu theina mit dâm, hriet theina nakâwr dâm a la pêk naw cheu a nih.