ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:36 - Pathien Lekhabu Inthieng (BSI)

³⁶ Amaa inthawk le ama zâr le, ama ta dinga thil po po a hung um a ni si a; ama kuoma chun chatuonin ropuina chu um raw se. Amen.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:36 ပူးပေါင်းရင်းမြစ်များ

INPÂKNA HLABU 115:1

Aw Lalpa, keini mi pe lovin, keini mi pe lovin, I hming chu ropuina pe lem rawh, I ngilneina le i thutak leiin.

INPÂKNA HLABU 33:6

Lalpa thuin vânhai chu siem a na, Chuonga umhai po po khawm chu a baua thuok chun siem an ni bawk a.

THUVARHAI 16:4

Lalpa chun thil tinrêng hi san nei sengin a siem a, Anih, mi khawhlo ngei khawm chu ni ṭha nawa dingin.

ISAI 42:12

Lalpa chu sukropui sienla, thlierkârahai chun ân pâkna thu hril raw se.

DANIEL 4:3

Ân chiknahai chu a va ropui ngei de! A thilmakhai chun thil a va thaw thei ngei de! A ram chu chatuon ram a na, A rorêlna khawm chu ṭhanga inthawk ṭhang nâwksâwng chen a nih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

LUKA 19:38

“Lalpa hminga hung chu inpâkin um raw se; vânah inremna inlêng sienla, achunghnungtaka khin ropuina um raw se,” tiin.

LUKA 2:14

“A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

THILTHAWHAI 17:28

Ama leiin, ei hring, ei châng, ei um a ni si a; nangni hlaphuokthiem tuhai amani khawmin, ‘Eini khawm a thlahai ei nih,’ tia an hril ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:27

Ama Pathien var tak chau kuom ngeia chun Isu Krista leiin kumkhuoin ropuina um raw se, Amen.

1 KORINTH 11:12

Nuhmei hi pasala inthawka siem a ni ang bawk hin, pasal khawm chu nuhmeia inthawka pieng a ni si a; nisienlakhawm, thil po po hi Pathiena inthawka suok vawng an nih.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

GALATI 1:5

Pathien kuoma chun ropuina chatuonin um raw se. Amen.

EPHESI 3:21

chatuonin, suon po po chenin kohrana le Krista Isua chun ropuina um raw se. Amen.

PHILIPPI 4:20

Ei Pathien le ei Pa kuoma chun kumkhuoin ropuina chu um raw se. Amen.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim si a.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

1 PETER 5:11

Ama kuoma chun rorêlna chu chatuonin um raw se. Amen.

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

THUPUONGSUO 19:1

Chuong hnunga chun vânah mipui nasatakhai rawl inringtak ni âwmtak hin, “Halleluia, sandamna dâm, ropuina dâm, thilthawtheina dâm, ei Pathien ta a nih.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura inthawkin a thlâwnin pêng ka tih.

THUPUONGSUO 7:10

chuonghai chun rawl inringtakin, “Ei Pathien lalṭhungphaa ṭhung kuoma le, Berâmte kuomah sandamna,” tiin an khêk a.

THUPUONGSUO 7:12

“Amen, malsâwmna dâm, ropuina dâm, varna dâm, Lâwmthu hrilna dâm, chawimawina dâm, Thilthawtheina dâm, hrâtna dâm, Chatuonin ei Pathien kuomah um raw se, Amen” tiin Pathien chibai an bûk a.