ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:16 - Pathien Lekhabu Inthieng (BSI)

¹⁶ Chun, bei tlang ât thlâk hmasatak chu inhlân thieng a ni chun a pumin chuong ang bawk chu a nih. A zung ân thieng chun a kâuhai khawm chuong ang bawk chu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:16 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

FESUOKNA 22:29

“I sinthaw ra po poa dâwnmihai le fâkmihaia ra hmasa tak chu în hlân inhnu ding a ni nawh. I naupasalhaia naulutîr chu i mi pêk ding a nih.

FESUOKNA 23:16

Loa i chîng i sininrimna ra hmasahai sîk hunah Busîk ruoi le, kum tâwpah loa inthawka i sinthaw rahai po po i lâk khâwm vawng pha Pâwltlâk ruoi i nei bawk ding a nih.

FESUOKNA 23:19

I hnuoi ra hmasatak laia a ṭha tak chu Lalpa i Pathien ina chun i hung lâk ding a nih. Kêlte chu a pui nênetuiin i suong ding a ni nawh.

THUVARHAI 3:9

I thilneia chun Lalpa chu inza la, I hlâwkna po po rahmasahaia le chun,

JEREMIA 2:21

Grêp hrui ṭha mi, a chi indik tak ela ka phun vei che leh, iengtiziea ka ta dinga grêphrui danglam kûng suoka hung inchang el am i ni leh?

EZEKIEL 44:30

Chun, thil tinrêng rahmasahai hmasatak le, thil tinrêng thêna inhlânhai chu, in thilinhlânhai po po chu thiempuhai chan nîng a ta, chun, thiempu kuoma chun in beihmet hmasatak chu in in sûnga malsâwmna a um theina dingin in pêk bawk ding a nih.

LEVI DÂN 23:10

“Israel mipuihai chu hril la an kuomah, ‘Ram ka pêk cheu chu in va tlung a, chutaka chun bu dâm in sîk pha chun, in ra hmasaa mi buphal pakhat chu thiempu kuomah in hung chawi ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:17

Chun, a kâu a ṭhen chu suktlieka umin, nang oliv puopa ni si, anni laia zawma umin, oliv thing hringna ṭha în ṭawmpui ve a ni chun,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:23

Chu chau khawm chu ni lovin, eini, Thlarau rahmasa neituhai ngei khawm hin, nau ei nina (ei taksa intlanna) chu nghâkin, eini meu khawm ei lungrilin ei inrûm si a.

1 KORINTH 7:14

Pasal awilo mi chu a nuhmei zârah sukthiengin a um a, nuhmei awilo mi khawm chu a pasal zâra sukthiengin a um bawk a nih; chuong ang chu ni naw sien chu in nauhai chu inthieng naw nihai; nisienlakhawm, an inthieng zing a nih.

DÂN PAHNINA 18:4

In bu le bâlhai, in uoinhai le in hriek sâwrhai a hmasa takhai le in berâm hmul vâw hmasa tak dâm chu in pêk ding a nih.

DÂN PAHNINA 26:10

Chun, ngai ta, aw Lalpa, nangin i mi pêk leihnuoi ra hmasa takhai seng kan hung lâk hi,’ in va ti ding a nih. Chun, Lalpa in Pathien hmaa chun inṭhut in ta, Lalpa in Pathien hmaah chibai bûkin in kûn ding a nih.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.