ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:3 - Pathien Lekhabu Inthieng (BSI)

³ Pathien felna hre lovin, anni felna sukdet an tum a, Pathien felnaah an inpêk lût si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:3 ပူးပေါင်းရင်းမြစ်များ

NEHEMIA 9:33

Iengkhawm ni sienla kan chunga thil hung tlung po poa hin, nang chu i fel a; nang chun indiktakin thil i thaw a, keini ruok chun ṭha naw takin kan thaw a nih;

JOB LEKHABU (THE BOOK OF JOB) 33:27

Mihai hmaa chun hla sak tâng a ta; ‘Ka lo suksuol ta a, ân dik chu ka lo fe hmangsan ta a, Anachu a mi hung thung kher naw a:

INPÂKNA HLABU 71:19

Aw Pathien, i felna khawm ân sâng êm êm a nih, Aw Pathien, nang thil ropuitakhai thawtu, Nangma ang hi tu am an um a?;

ISAI 51:1

Felna hnawttuhai, Lalpa zawngtuhai, ka thu hi lo ngai ta u; nangni sutna lungpui tieng le khursûnga nangni cho suokna khur tieng kha en ta u.

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

ISAI 51:8

Hângthimin silfên a fâk siet vawng angin anni chu a fâk siet vawng ding a ni si a, a ngein sahmul a fâk angin anni chu a fâk ding a ni si a; ka felna ruok chu kumkhuoin um a tih, ka sandamna chu suon po po chenin um bawk a tih.

ISAI 56:1

Lalpa chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta si a.

ISAI 57:12

I felna thu hi hril ka ta, i thilthawhai chu i ta dingin ienga ṭhahnem ni naw nih.

ISAI 64:6

Mi inthieng naw angin kan lo um vawng ta si a, kan felnahai po po khawm silfên inthieng naw ang a na; kan rêng hin hna angin kan vuoi hlak a; kan khawhlonahai hin thli angin a mi lên hmang hlak.

ṬAP HLA 3:22

Sukbohmanga ka um naw hi Lalpa zangaina a lo nih, A lainatnahai chu a kang ngai naw leiin.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

LEVI DÂN 26:41

kei khawm anni kalzâwnga ka um a, an hmêlmahai rama ka înumtir chu: an lungril ser tan lo chu an insukhnuoi a, an rîtlonaa inthawka an insiem ṭha chun;

LUKA 10:29

Ama ruok chun thiem inchangtir a tum a, Isu kuomah, “Anleh, ka vênghai chu tuhai am an na?” a ta.

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet si a; mihriem laia an ichawimawi chu Pathien mithmua chun tirdakumtak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:17

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:2

Pathien tieng ṭhahnem an ngai ti ka hrietpui a nih, hrietna indiktak leia ṭhahnemngaina ruok chu a ni nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:20

Chun, Isaiin huoitakin, “A mi zawng nawhai hmuin ka um a, A mi lam nawhai kuomah inhriettirin ka um a,” a ti a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:7

Iengtin am ni tâng a ti leh? Israel mihai chun an zawng chu an hmu naw a; Thlanghai ruok chun an hmu a, a danghai po po chu an ngawng zo ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:26

Ama ngei chu mi fel a nizie le Isua ringna nei taphawt thiem inchangtirtu a ni zie tulaia inentirna dingin a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:19

Mi pakhat thu awi nawna lei khan mi tamtak chu mi suol an hung ni tah; chuong ang bawkin mi pakhat thuawi lei khan mi tamtak chu mi fel hung nîng an tih.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

DÂN PAHNINA 6:25

A thu mi pêk anga Lalpa hmaa a thupêk po po zâwm dinga ei fîmkhur chun ei ta dingin felna a ni ding a nih,’ in ti ding a nih.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah: