ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:10 - Pathien Lekhabu Inthieng (BSI)

¹⁰ Mihaiin an lungrilin an ring a, felna an hmu hlak, bauin an ṭan a, sandamna an hmu bawk hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:10 ပူးပေါင်းရင်းမြစ်များ

MARKA 9:23

Chun, Isûn, a kuomah “ ‘I thei chun’ i ti maw? Awitu ta ding chun iengkim thaw thei a nih i sawnnaw,” a ta.

LUKA 8:15

Hnuoi ṭhaa mi chu hieng hi an nih; lungril ṭha le felin thu chu an hriet a, an vawn zing a, tuorseltakin an ra hlak.

THILTHAWHAI 8:37

[Chun, Philip chun, “I lungril po poa i ring chun, i chang thei,” a ta. Ama chun, “Isu Krista chu Pathien Naupa a ni ka ring,” a ta, a dawn a].

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:11

Pathien Lekha Thuin, “Tûkhawm ama ring taphawt chu muolpho naw ni hai,” a ti a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:9

I bauin, “Isu chu Lalpa a nih” tia i ṭan a, mithi laia inthawkin Pathienin a keitho ti i lungrila i ring phawt chun sandamin um i tih.

GALATI 2:16

nisienlakhawm, Dân thilthaw leiin mi thiem changin a um naw a, Isu Krista ring lei chauin thiem changin a um lem ti kan hriet si a. Keini khawmin Dân thilthaw lei ni lovin, Krista awina leia thiem changa kan um theina dingin, Krista Isu chu kan awi a nih; Dân thilthaw leiin mihriem hrim hrim thiem changin um si naw ni hai a.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

1 JOHAN 4:15

Tûkhawm, “Isu hi Pathien Naupa a nih,” tia ṭan taphawt chu, amaa chun Pathien a um zing a, ama khawm chu Pathienah a um zing bawk a nih.

THUPUONGSUO 2:13

Setan lalṭhungpha innghatna hmuna um i nih ti ka hriet. Nisienlakhawm, ka hming i ṭan tlat a, chun, ka thu hretu ringum Antipa, Setan umna hmuna nangni laia an that lai khawm khan, i ringna in phat chuong nawh.