ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:25 - Pathien Lekhabu Inthieng (BSI)

²⁵ Pathien thutak chu khêla inchangtirin, a siemtu biek nêkin a isiemhai chu bein an rawng an bâwl ta lem si a. A siemtu chu kumkhuoa inpâk tlâk a nih! Amen.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:25 ပူးပေါင်းရင်းမြစ်များ

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

JEREMIA 13:25

Hi hi i chan tâwk, keima kuoma inthawka, i chan dinga ruot chu a nih; Lalpa chun a tih; kei i mi theinghil ta a, thil dik lo chu i lo ring ta lei khan.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

AMOS 2:4

Lalpain hieng ang hin a tih, “Juda bawsietna pathum leiin, anih, pali leiin, a hremna sukbo naw ning; Lalpa dân chu an pawm naw a, a thupêkhai chu an vawng naw a;

HABAKKUK 2:18

Milem a kera ker, a siemtuin a iker chun Ieng am ṭangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭangkâina ieng am a um a?

MATTHAI 10:37

“Tukhawm a nu amanih, a pa amanih keia nêka hmangai lem chu ka mi ni tlâk a ni nawh; tukhawm naupa amanih, naunu amanih keia nêka hmangai lem chu ka mi ni tlâk a ni nawh.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

JOHAN 2:8

Chun, an kuomah, “Tuhin thâl unla, ruoiṭhe hotu kuomah fepui ro,” a ta. Chun, an fepui ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:18

Thutak fel nawtaka dangtuhai Pathien ngaisak nawna le fel nawna po po chunga chun vâna inthawkin Pathien lungsen a hung inlang a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:23

Pathien thi thei lo ropuina chu, mihriem thi thei dâm le vatehai dâm, sapheimanli le thilhringhai lim angah an inchangtir ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, taksa tienga sui chun Krista chu anni laia inthawka hung suok a ni si a; ama chu thil tinrêng chunga um a na, chatuona inpâk tlâk Pathien a nih. Amen.

2 KORINTH 11:31

Lalpa Isu Pathien le Pa, kumkhuoa inpâk tlâka um chun khêl ka hril nawzie chu a hriet.

EPHESI 3:21

chatuonin, suon po po chenin kohrana le Krista Isua chun ropuina um raw se. Amen.

1 THESSALONIKA 1:9

Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

1 TIMOTHE 1:11

inpâktlâk Pathien Chanchin Ṭha ropui inchûktirna indik ka kuomah inkawltira um ang ni lo ta ding chun siem a ni lem.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

2 TIMOTHE 3:4

vervêk dâm, thuhnung dâwn naw dâm, inngaihlu dâm, Pathien hmangai nêka mâni lâwmna chau hmangai lemtu dâm an ni ding a ni si a.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.