PHILIPPI 4:9 - Pathien Lekhabu Inthieng (BSI)

⁹ Keimaa thil in inchûka in pawmhai dâm, in hmua in hriethai dâm, khâng thilhai kha thaw hlak ro. Chuongchun, Lungmuongna Pathien chun umpui a ti cheu.

PHILIPPI 4:9 ပူးပေါင်းရင်းမြစ်များ

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 8:10

Inrâwn khâwm ro, iengkhawm ni hliek naw ni; thu hril ro, puitling chuong bawk naw nih; Pathien ei kuomah a um si a,” tiin.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

MATTHAI 7:21

“ ‘Lalpa, Lalpa,’ a mi ti nazawng chu vân ramah lût naw ni hai, ka Pa vâna mi dit zâwng thawtuhai ruok chu lût an tih.

LUKA 6:46

“Chun, nangnîn ieng dinga ka thu zâwm si lova, ‘Lalpa, Lalpa,’ in mi ti hlak am?

LUKA 8:21

Chun, ama chun an kuomah, “Hieng Pathien thu hrea zâwmhai hi ka nu le ka unauhai an nih,” a ta, a dawn a.

JOHAN 13:17

Chuong thil chu in hriet chun, thaw unla, hamṭhâng in tih.

JOHAN 15:14

Thu ka pêk taphawt cheu in thaw chun, ka ruolhai nîng in tih.

JOHAN 2:5

Chun, a nu chun rawngbâwltuhai kuomah, “In kuoma a hril taphawt chu thaw pei ro,” a ta.

THILTHAWHAI 9:6

Lalpa chun, “Isu i suknawmnat hi ka nih; nisienlakhawm, tho la, khuoah lût rawh, chuongchun, i thaw ding lo hril an ti che,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:33

Remna Pathien chu in rênga kuomah um raw se. Amen.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:20

Chun, Remna Pathien chun, in kepha hnuoiah um dingin Setan chu hung suknawi vak a tih. Lalpa Isu Krista lunginsietna chu in kuomah um raw se.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

1 KORINTH 14:33

Pathien chu buoina Pathien a ni naw a, inremna Pathien a ni lem si a. Mi inthieng kohranhai po poa ang hin,

1 KORINTH 4:16

Chuongchun, mîn chûk dingin ka ngên cheu a nih.

2 KORINTH 13:11

A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

DÂN PAHNINA 5:1

Chun, Mosiein Israelhai po po chu a ko khâwm a, an kuomah, “Aw Israel mihai, in inchûka in pawm dinga dânhai, thuruothai, in na hrieta vawisûna ka hril hi lo ngai ro.

PHILIPPI 3:17

Unauhai, ka um dân inchûktuhai lo ni tâwl ro; chun, enkhi ding keini in mi nei a, chuong ang peia umhai chu en ṭha ro.

PHILIPPI 4:7

Chuongchun, Pathien thlamuonna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu.

1 THESSALONIKA 1:6

Chun, thu chu rinum tuor pumin Thlarau Inthienga lâwmin in lo pawm a, keini le Lalpa inchûktuhai in lo nih.

1 THESSALONIKA 2:14

Nangni unauhai, Judai rama Pathien kohran, Krista Isua umhai inchûktu in lo ni kha; anni chun Judahai laia an tuor angin nangni khawmin nangni rama mihai laia inthawkin in tuor ve bawk si a.

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

2 THESSALONIKA 3:4

Thu kan pêk taphawt cheu kha in zâwm hlak a, in la hung zâwm nâwk pei khawm Lalpaa chun kan ring cheu a nih.

2 TIMOTHE 4:22

Lalpa chu i thlarau kuomah um raw se. Lunginsietna in kuomah um raw se.

JAKOB 1:22

Nisienlakhawm, mâni inhlêm a, thu ngaituhai chau ni lovin, thu zâwmtuhai lo ni lem ro.

2 PETER 1:10

Chuleiin, unauhai, a kona le a thlangna cheu chu sukdet dingin taimâk insuo nâwkzuol ro; chuong chu in thaw chun ieng tik khawm tlu naw ti niu;

1 JOHAN 3:22

chuongchun, a thupêkhai ei zâwm a, a mithmuah thil lâwmum ei thaw hlak leiin, ei hni taphawt a kuoma inthawkin ei hmu pei hlak a nih.