PHILIPPI 4:7 - Pathien Lekhabu Inthieng (BSI)

⁷ Chuongchun, Pathien thlamuonna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu.

PHILIPPI 4:7 ပူးပေါင်းရင်းမြစ်များ

NEHEMIA 8:10

Chuongchun, ama chun an kuomah, “Fe unla, a thâu thâu fa unla, a thlum thlum dâwn unla, iengkhawm buotsai nei lohai ta dingin chanpuol inphur unla, vawisûn ni hi ei Lalpa ta dinga ni inthieng a ni hi; lungngaiin um naw ro, Lalpaa lâwmna chu in hrâtna a ni si a,” a ta.

JOB LEKHABU (THE BOOK OF JOB) 22:21

Tuhin ama le chun inhmêlhriettir la, inremin um rawh, Chuongchun, i ta dingin thil ṭha a hung tlung ding annâwm.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

INPÂKNA HLABU 29:11

Lalpa chun a mihai kuomah hrâtna pêng a ta, Lalpa chun a mihai chu thlamuongnain malsâwm a tih.

INPÂKNA HLABU 85:8

Pathien Lalpa thu hril ding chu ngai ka ta, A mihai le a mi inthienghai kuomah lungmuongna thu a hril ding a ni si a; Nisienlakhawm, anni chu invêtna tieng ngha nâwk ta naw raw hai se.

THUVARHAI 2:11

Ngairuot thiemna chun nangma chu vêng a ti che a, Hrietthiemna chun kawl tlat a ti che;

THUVARHAI 4:6

Ama chu nghatsan naw la, vawngṭhâng a ti che a, Ama chu hmangai la, vêng a ti che.

THUVARHAI 6:22

I fe pha chun nang chu ṭhuoi a ti che a; I in pha chun nang chu vêng a ti che a; Chun, i hung meng pha khawm chun inbiekpui a ti che.

ISAI 26:12

Lalpa, nangin inremna mi ruotpêk i ta; nangin kan sin po po khawm i mi thawpêk si a.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi Lalpa, chuong thilhai po po thaw hlaktu chu ka nih,” tiin.

ISAI 48:18

Aw nangni hin ka thupêkhai chu lo ngai chu ni unla chu aw! In chungah inremna chu vadung ang ela umin, in felna chu tuipui infâwnhai ang elin a um ding bah;

ISAI 48:22

Lalpa chun, “Mi rilohai ta ding chun muongna hrim hrim a um nawh,” a tih.

JEREMIA 32:16

“Chun, Neria naupa Baruk kuoma inchâwkna thuziek chu ka pêk hnung chun Lalpa kuoma chun ka ṭawngṭai ta a.

JEREMIA 33:6

Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

NAMBAR 6:26

Lalpa chu nangni tieng hung ngha sienla, lungmuongna pe raw se cheu, ti ro,’ tiin hril rawh.

LUKA 1:79

Inthim lai le thina hlima inṭhunghai ên ding le, Thlamuongna lampuia ei kehai mîn pêntir dingin,” tiin.

LUKA 2:14

“A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:7

Rom khuoa Pathien idittakhai, mi inthieng ni dinga kohai po po kuomah; Pathien ei Pa le Lalpa Isu Kristaa inthawka lunginsietna le inremna in kuomah um raw se..

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:6

Thlarau tieng thil dit ruok chu hringna le lungmuongna a nih;

2 KORINTH 10:5

insêlnahai le thil insâng tinrêng Pathien hrietna hluotu dinga insângtaka siemhai chu ṭhiekin, ngaituona tinrêng Krista thuawina salah kan ṭhuoi a,

2 KORINTH 13:11

A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

EPHESI 3:19

Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

PHILIPPI 1:1

Paula le Timothe, Krista Isu suokhai chun: Krista Isua mi inthieng Philippia um po pohai kuomah, kohran hotuhai le rawngbâwltuhai kuoma leh:

PHILIPPI 1:2

Pathien ei Pa le Lalpa Isu Krista kuoma inthawka hmangaina le inremna in kuomah um raw se.

PHILIPPI 4:19

Chun, ka Pathien chun Krista Isua a ropuina hauzie ang peiin, in tlâksamna tinrêng khawm phuhrûkpêk a ti cheu.

PHILIPPI 4:21

Krista Isua mi inthieng tinrêng chibai mi bûkpêk ro. Ka kuoma unau umhai hin chibai an bûk cheu a.

PHILIPPI 4:9

Keimaa thil in inchûka in pawmhai dâm, in hmua in hriethai dâm, khâng thilhai kha thaw hlak ro. Chuongchun, Lungmuongna Pathien chun umpui a ti cheu.

KOLOSSA 3:15

Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.

2 THESSALONIKA 3:16

Chun, inremna Lalpa ngei chun kumkhuoin kawng tinrêngah inremna pe raw se cheu.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

THUPUONGSUO 1:4

Johan chun: Asia rama kohran pasarihai kuoma chun: Um zing le um ta le hung um ding kuoma inthawk dâm, a lalṭhungpha hmaa thlarau pasari umhai kuoma inthawk dâm,

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.