PHILIPPI 4:6 - Pathien Lekhabu Inthieng (BSI)

⁶ Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

PHILIPPI 4:6 ပူးပေါင်းရင်းမြစ်များ

1 LALHAI 8:28

Nisienlakhawm, aw Lalpa ka Pathien, vawisûna i siehlaw hin a kona che le, a ṭawngṭaina ân sam hi ngaipêkin, i siehlaw ṭawngṭaina le hnina hi hung ngaisak la;

2 CHANCHIN SUINA 32:20

Chun, lal Hezekia le Amoz naupa zâwlnei Isai chu hi thu lei hin an ṭawngṭai a, vân tieng nghain an khêk a.

INPÂKNA HLABU 51:15

Aw Lalpa, nangin ka hmûr hi hawng la, Chuongchun, ka bau hin inpâkna chu ân hriettir ding annâwm.

INPÂKNA HLABU 55:17

Zântieng dâm, zîngkâr dâm, sûna dâm ka lunginzîngna thu hrilin inrûm ka ta: Chuongchun, ama chun ka râwl lo ngai a tih.

INPÂKNA HLABU 55:22

I rikphur chu Lalpa chunga innghat la; chuongchun, amain sukhrât a che, Mi fel chu iengtika khawm sukhnîng phal naw nih.

INPÂKNA HLABU 62:8

Nangni mipuihai, ienglai khawmin ama chu ring unla, In lungril chu a hmaa chun bunthla ro: Pathien chu ei ta dinga inhumhimna a nih.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 16:3

I sinthawhai chu Lalpa kuomah inkawltir la, I ngaituohai chu sukdet nîng a tih.

HLAHAI HLA 2:14

Aw ka vaṭhu, lungpui kawi kârahai chun chêng a, Ṭênbaram kuokârhaia um, I hmêl mîn hmutir la, i râwl mîn hriettir rawh; I râwl chu ân nêm a, i hmêl hlak ngaino a bei si a.

JEREMIA 32:16

“Chun, Neria naupa Baruk kuoma inchâwkna thuziek chu ka pêk hnung chun Lalpa kuoma chun ka ṭawngṭai ta a.

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

DANIEL 3:16

Sadrak, Mesak le, Abednego chun an dawn a, lal kuoma chun, “Aw Nebukadnezzar, hi thil chungchâng thua hin kan dawn che a ṭûl nawh.

DANIEL 6:10

Daniel chun chu lekhazieka chun hming ziek a ni tah ti a hriet phingleh a inah a fe ta a; (a pindana a tukverhai chu Jerusalem khuo tienga hawng zing a na) chun, a khûpin ni khatah vawi thum pei a dingṭhaṭhuon a, a Pathien hmaa chun, a hmaa a lo thaw rawp tah angin a ṭawngṭai a, lâwmthu a hril ta a.

MATTHAI 10:19

Nisienlakhawm, an inmantir pha cheu khawm, ‘Iengtin am, ieng thu am ka hril ding?’ tiin lungkham naw ro; in hril ding chu a hun taka chun ân hriettir ding cheu a ni si a.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

MATTHAI 6:34

Chuongchun, a zînga dingin lungkham naw ro, a zîng chun ama ding chu a lungkham fâwm ding a ni si a. Ni khat dingin ni khat rimsik a hun a nih.

MATTHAI 6:8

Chuongchun, anni angin um naw ro; ama in hni hmain in Pa chun ieng ieng am in pawimaw ti chu a hriet zing a nih.

LUKA 10:41

Chun, Lalpain, “Martha, Martha, thil tamtak i ngaituoa i buoi a ni hi,

LUKA 12:22

Chun, a inchûktirhai kuomah, “Chuleiin, ka hril cheu hi, ‘Ieng am fâng ka ta aw?’ tiin in hringna thu le, ‘Ieng am silin bil ka ta aw?’ tiin in taksa thu lungkham naw ro.

LUKA 12:29

“Chun, in fâk dinghai, in dâwn dinghai zawng naw ro; lungâwpinkaiin um bawk naw ro.

LUKA 18:1

Chun, beidawng lovin an ṭawngṭai rawp ding a nih ti, inhriettirna dingin an kuomah tekhithu a hril a;

LUKA 18:7

An chungah zai la daw hri sien khawm, a mi thlang, asûn azâna ama kotuhai phuba chu Pathienin a lâkpêk naw ding am a nih?

1 KORINTH 7:21

Suoka i um ko am i nih? chu chu ngaituo nuom naw rawh; i suok thei si ruok chun hmang lem rawh.

1 KORINTH 7:32

Nisienlakhawm, lungkham nei lova in um ka nuom pêk cheu a nih, nuhmei neinaw chun Lalpa suklâwm theina ding zie ngaituoin Lalpa tieng thil chu a lungkham hlak.

2 KORINTH 1:11

ṭawngṭaina tamtak dawnnaa malsâwmna kan dawnghai leiin mi tamtakin kan aia lâwmthu hrilna an nei theina dingin nangni khawma ṭawngṭainain mi ṭhangruolpui tlat ro.

EPHESI 5:20

Ei Lalpa Isu Krista hmingin, Pathien, Pa ngei kuoma chun, iengkim chungah lâwmthu hril ro.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

KOLOSSA 3:15

Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

KOLOSSA 4:2

Ṭawngṭai fan fan unla, chutaka chun lâwmthu hril pumin ngaiven ro.

1 TIMOTHE 2:1

Chuongchun, a tîrtakin thil hni ṭawngṭaina dâm, ṭawngṭaina hrim hrim dam, ṭawngṭaipêkna dâm, lâwmthu hrilna dâm mi po po ta dinga siempêk dingin kân fui che:

1 TIMOTHE 5:5

Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawngṭaiin a um rawp hlak.

1 PETER 4:7

Nisienlakhawm, thil po po tâwpna chu a hnai ta a, chuleiin, in ṭawngṭai theina dingin lungril feltak putin fimkhur ro.

1 PETER 5:7

amain a ngaisak hlak cheu leiin in lunginzîngna po po ama chungah innghat vawng ro.

1 SAMUEL 1:15

Hanna chun a dawn a, “Ni lo, ka lalpa, nuhmei lungril lungngai tâwpkhâwk ka na; uoin khawm, zupui khawm ka dâwn dêr naw a, Lalpa hmaa chun ka lungril ka phawr lem a nih.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienlakhawm, David chu a Pathien Lalpaa chun ân sukhrât a.

1 SAMUEL 7:12

Chuongchun, Samuel chun lung a lâk a, Mizpa le Sen inkâra chun a phun a, “Hi chen hi Lalpain a mi ṭhangpui a nih,” tiin a hminga chun Ebenezer ân bûk a.