PHILIPPI 4:18 - Pathien Lekhabu Inthieng (BSI)

¹⁸ Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

PHILIPPI 4:18 ပူးပေါင်းရင်းမြစ်များ

FESUOKNA 29:18

berâmchal chu a pumin maichâm chunga chun rawng i tih: Lalpa kuoma pumrawhmang thilinhlân a na, Lalpa kuoma meia thil inhlân riminhnik a nih.

NAMBAR 15:3

Lalpa kuomah meia thilinhlân, pumrawhmang thilinhlân amanih, thutiem hlen dinga inthâwina amanih, mâni nuom thua thilinhlân amanih, in Fekân ruoiṭhe hunbia manih, ran ruol laia mi amanih, berâm ruol laia mi amania Lalpa ta dinga riminhnik siem ding amania an inhlân pha chun,

NAMBAR 7:62

shekel sâwm tluka rik riminhnika sip rângkachak haihaw pakhat;

THILTHAWHAI 10:4

Chun, Korneli chun ama chu a lo en zing a, a ṭi a, “Lalpa, ieng am a na?” a ta. Chun, ama chun a kuomah, “I ṭawngṭainahai le i thil pêk thuhai kha hriet zing dingin Pathien hmaah a hang tlung tah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

2 KORINTH 11:8

Nangni rawng ka bâwl theina dingin an kuoma inthawka hlaw lain, kohran danghai sum ka sukhekpêk a.

2 KORINTH 9:12

Hi sawmdâwlna rawngbâwlna hin, mi inthienghai chu a phuhrûkpêk chau khawm a ni naw a, Pathien kuoma lâwmthu hrilna tamtaka inchangin a luong liem bawk a nih.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

PHILIPPI 4:12

Tlâwmtaka um dân ka thiem a, hausaa um dân khawm ka thiem bawk a, thil tinrêng le thil po poa tlai le phîngṭama um dân, hausa le tlasama um dân thurûk chu ka hriet suok tah.

2 THESSALONIKA 1:3

Unauhai, nangni chungthua hin Pathien kuomah lâwmthu hril rawp ding hi kan ni hrim a; chu chu a âwm hrim a nih, in ringna chu nasataka inṭhang lienin, in rênga in inhmangai tuo sengna chu a pung nâwk zuol si a.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk si a.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.