PHILIPPI 4:12 - Pathien Lekhabu Inthieng (BSI)

¹² Tlâwmtaka um dân ka thiem a, hausaa um dân khawm ka thiem bawk a, thil tinrêng le thil po poa tlai le phîngṭama um dân, hausa le tlasama um dân thurûk chu ka hriet suok tah.

PHILIPPI 4:12 ပူးပေါင်းရင်းမြစ်များ

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw naw a, an dangchâr sukrêna dingin tui i pêk a.

ISAI 8:11

Lalpa chun kut hrâttakin hieng ang hin ka kuomah a hril a, hi chihai lampuia hin ka fe ve nawna dingin a mi thunun a ni hi:

JEREMIA 31:19

Matheilovin, chu hnunga chun kân let a, kei khawm ka lamlêt ta a; chun, chu hnunga chun inchûktirin ka uma, ka êlpui chu ka ben a; kân zak a, anih, ka tleirâwl lai hmingsietna chu ka phur leiin, ka hamhai nghe nghe a.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

2 KORINTH 10:10

“A lekhathawnhai chu a rikin a ngar a, a taksa tieng ruok chu a âwmnêm a, a ṭawng khawm insit a um a nih,” an ti si a.

2 KORINTH 11:27

sâwlnaa le sininrimnaahai, intheinawnaahai vawi tamtak, phîngṭâm le dangchârnaahai, bungheinaahai vawi tamtak, khawsik le saruoka umnaahai dâm ka um hlak.

2 KORINTH 11:7

Annawleh, Pathien Chanchin Ṭha nangni sêngna um hlek lova ka hril cheu a, dawmsânga in um theina dinga kân sukhnuoi khan ka lo suksuol a ni maw?

2 KORINTH 11:9

Chun, in kuoma ka um a, ka tlâksam lai khan tûkhawmin an mîn khâwkpui naw a; unauhai chu Makedonia rama inthawka an hungin ka tlâksamna chu an mi hung phuhrûkpêk a ni si a; iengkimah nangni inkhâwkpui lo dingin kân siem kha, khâng ang khan insiem zing ka tih.

DÂN PAHNINA 32:10

“Thlalêr ram ruok inrûm vung vunga chun; A vêla umnghain a enkawl a, A mitnaulêng angin a kawl a.