PHILIPPI 4:11 - Pathien Lekhabu Inthieng (BSI)

¹¹ Ka tlâksamna thu hril chu ka ni naw a, a kei chu ieng ang khawmin um lang lungawi pei ka chîng ta si a.

PHILIPPI 4:11 ပူးပေါင်းရင်းမြစ်များ

INṬANNA 28:20

Chun, Jakob chun thu a tiem ta a, “Pathien ka kuomah a um a, hi ka fena lampuia hin mi vêng a, fâk ding bei le sil ding silfên a mi pêk a,

FESUOKNA 2:21

Chun, Mosie chu chu mipa kuoma um ding chun ân sukthlûk ta a; ama chun a naunu Zippora chu Mosie a pêk a.

LUKA 3:14

Chun, sipaihai khawmin a kuomah, “Keini teh ieng am kan thaw ding?” an ta, an indawn a. Ama chun an kuomah, “Tukhawm suknawmnain va hêk naw ro; in hlaw tâwk taphawta chun lungawi ro,” a ta.

2 KORINTH 11:27

sâwlnaa le sininrimnaahai, intheinawnaahai vawi tamtak, phîngṭâm le dangchârnaahai, bungheinaahai vawi tamtak, khawsik le saruoka umnaahai dâm ka um hlak.

2 KORINTH 6:10

lungngai angin, nisienlakhawm, lâwm rawp siin; pasie angin, nisienlakhawm, mi tamtak sukhausa siin; iengkhawm neilo angin, iengkim hau siin.

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.

2 KORINTH 9:8

Chun, Pathienin lunginsietna tinrêng in chungah a vur thei a nih; chuongchun, nangnîn iengkimah a hun zet nei rawpin, sin thaw ṭha tinrênga dingin hau thei in tih;

PHILIPPI 3:8

A ni takzet el, ka Lalpa Isu Krista hrietna ropui bîk leiin, thil tinrêng khawm chânnaah ka ngai a nih; ama lei chun thil po po ka chân ta vawng a, chuongchu hnephnâwl ang chauah ka ngai a nih.

HEBRAIHAI 10:34

Kawlbunhai chu in lainat a, thil ṭha lem, um sawng bawk ding chu, mâniin in nei ti hrein, in thilneihai lâkpêka in umnaa khawm lâwmtakin in lo tuor ta a.